6762
ܒܲܪܘܼܟܼܸܐ ܝܘܲܚ ܠܝܵܘܡܵܐ ܕܚܲܕ݇
ܒܢܝܼܣܵܢ؛ ܪܸܫ ܫܸܢ݇ܬܵܐ ܚܲܕ݇ܬܬܵܐ ܐܵܬܘܼܪܵܝܬܵܐ. ܒܸܛܠܵܒܵܐ ܝܘܲܚ ܩܵܐ ܟܠܲܝܗܝ ܒܢܲܝ̈
ܐܘܼܡܬܲܢ ܚܲܝܠܵܐ؛ ܚܘܼܠܡܵܢܵܐ ܥܲܡ ܒܪܝܼܟܼܘܼܬܵܐ ܕܚܲܝܸ̈ܐ. ܗܲܡܘܼܢܸܐ ܝܘܲܚ ܕܒܚܲܝܠܵܐ
ܕܐܲܠܵܗܵܐ؛ ܒܐܵܗܵܐ ܫܸܢ݇ܬܵܐ ܖܸ̈ܓܼܫܸܐ ܘܖ̈ܥܵܫܝܵܬܸܐ ܐܘܼܡܬܵܢܵܝܸ̈ܐ ܓܲܖ̈ܘܸܣܝܼ ܒܸܫ ܙܵܘܕܵܐ
ܘܦܵܖ̈ܣܝܼ ܒܸܝܠ ܒܢܲܝ̈ ܥܲܡܲܢ. ܗܲܪ ܗܵܕܟܼܵܐ؛ ܒܗܸܒܼܝܼ ܝܘܲܚ ܕܩܵܝܡܝܼ ܟܠܲܝܗܝ ܥܵܒܼܘܼܕܸ̈ܐ
ܟܲܫܝܼܖܸ̈ܐ ܩܵܐ ܡܲܚܙܵܝܬܵܐ ܕܚܘܼܦܵܛܲܝܗܝ ܠܸܢܛܵܪܬܵܐ ܘܚܲܡܲܝܬܵܐ ܕܗܝܼܵܝܘܼܬܲܢ
ܐܘܼܡܬܵܢܵܝܬܵܐ ܘܓܲܪܘܲܣܬܘܼܗܿ ܒܠܸܒܘܵܬܸ̈ܐ. ܘܦܪܝܼܫܵܐܝܼܬ ܡܵܚܝܼ ܚܲܝܠܵܐ ܩܵܐ ܫܩܵܠܬܵܐ
ܕܠܸܒܵܐ ܕܐܵܢܝܼ ܡܼܢ ܒܢܲܝ̈ ܡܸܠܲܬܲܢ ܕܝܼܢܵܐ ܒܸܚܵܝܵܐ ܬ݇ܚܘܿܬ ܫܸܡܵܢܸ̈ܐ ܦܖ̈ܝܼܫܸܐ؛ ܒܗܿܝ
ܕܝܼܘܲܚ ܢܒܼܝܼܥܸ̈ܐ ܘܡܘܼܓ̰ܝܸ̈ܢܸܐ ܡܚܲܕ݇ ܥܸܩܪܵܐ. ܕܵܐܟܼܝܼ ܐܵܕܝܼܵܐ؛ ܒܸܬܪܵܨܵܐ ܝܠܵܗܿ
ܒܠܸܒܵܘܵܬܲܢ ܚܕܵܐ ܪܲܓܼܪܲܓܼܬܵܐ ܚܲܡܝܼܡܬܵܐ ܕܚܕܵܝܘܼܬܵܐ ܘܐܵܘܝܘܼܬܵܐ
ܐܘܼܡܬܵܢܵܝܬܵܐ. ܡܲܢܫܝܼܲܚ ܠܕܩܵܖ̈ܝܵܬܸܐ ܗܲܠ ܕܡܵܨܲܚ ܓ̰ܲܡܥܲܚ ܬ݇ܚܘܿܬ ܫܟܘܼܖܸ̈ܐ ܕܚܲܕ݇
ܫܸܡܵܐ ܘܗܵܘܲܚ ܡܵܪܵܐ ܠܗܝܼܵܝܘܼܬܲܢ ܐܘܼܡܬܵܢܵܝܬܵܐ.
ܒܪܝܼܟܼܵܐ ܝܠܸܗ ܚܲܕ݇ ܒܢܝܼܣܵܢ
ܪܸܫ ܫܸܢ݇ܬܵܐ ܚܲܕ݇ܬܬܵܐ ܐܵܬܘܼܪܵܝܬܵܐ
ܠܥܘܗܕܢܐ ܕܣܗܕ̈ܐ ܕܣܝܦܐ
ܒܫܸܡܵܐ ܕܐܲܠܵܗܵܐ
ܒܩܵܠܵܐ ܕܝܘܼܒܵܒܼܵܐ ܘܫܝܼܦܘܼܪܵܐ
ܒܸܕ ܩܵܝܡܝܼ ܟܠܲܝܗܝ ܥܲܢܝܼܕܸ̈ܐ؛
ܡܲܣܩܝܼܠܸܗ ܬܸܫܒܘܼܚܬܵܐ ؛
ܕܝܼܠܸܗ ܡܢܲܚܡܵܢܵܐ ܕܦܲܓܼܖ̈ܲܝܗܝ.
ܐܘܿ ܒܵܒܵܐ؛ ܓܵܒܼܘܿܠܲܢ ܡܼܢ ܥܲܦܪܵܐ؛
ܘܦܵܪܘܿܩܲܢ ܒܪܘܼܚܵܐ
ܐܲܢٔܬ ܗ݇ܘܝܼ ܡܪܵܚܡܵܢܵܐ ܕܡܸܠܲܬܲܢ
ܡܼܢ ܣܲܒܲܒ ܕܣܵܗܕܘܼ̈ܗܿ ܓܒܼܝܼ̈ܠܸܐ ܓܵܘ ܕܸܡܲܝܗܝ
ܩܲܕ ܒܘܼܬ ܡܲܟܠܵܝܬܵܐ ܘܡܲܩܲܡܬܵܐ ܕܬܵܘܕܝܼܬܘܼܟܼ
ܟܠܸܐ ܠܗ݇ܘܿܢ ܒܕܸܡܵܐ ܕܩܕܵܠܲܝܗܝ؛
ܠܡܲܩܘܵܝܬܵܐ ܕܡܲܥܡܘܿܕܝܼܬܲܝܗܝ
ܒܫܸܡܵܐ ܕܒܵܒܵܐ؛ ܒܪܘܿܢܵܐ ܘܪܘܼܚ ܩܘܼܕܫܵܐ.
ܒܘܼܬ ܐܵܗܵܐ ܝܠܵܗܿ ܕܦܲܪܦܘܼܠܸܐ ܝܘܲܚ
ܕܡܲܟܠܸܝܬ ܠܵܗܿ ܡܸܠܲܬܲܢ ܡܼܢ ܝܲܡܝܼܢܵܐ
ܕܖ̈ܵܚܡܘܼܟܼ ܫܒܼܝܼ̈ܚܸܐ
ܢܣܵܩ ܬܸܫܒܘܼܚܬܵܐ ܠܥܸܠܵܝܘܼܬܘܼܟܼ
ܐܘܿ ܡܵܪܵܐ ܕܡܵܘܬܵܐ ܘܚܲܝܸ̈ܐ
ܡܲܚܝܼ ܡܝܼܬܸ̈ܐ. ܫܘܼܒܼܚܵܐ ܠܫܸܡܘܼܟܼ.
ܫܡܥܘܢ ܒܝܬ ܐܝܫܘ
24 ܒܢܝܣܢ 2013
No comments:
Post a Comment