Shamiram Bulletin No. 23

ܡܝܪܡ

Number 23

ܟܘܪܣܐ ܓܘܝܐ

ܫܘܬܦܘܬܐ ܕܢܫ̈ܐ ܐܬܘܖ̈ܝܐ ܕܫܡܝܪܡ                                            

ܣܬܘܐ 2015

ܡܢܝܢܐ23

ܚܒܼܝܫ̈ܬܐ                                  

ܦܐܬܐ 1          ܢܫ̈ܐ ܘܠܫܢܐ ܝܡܝܐ

          ܒܝܬ ܢܗܪܝܢ ܕܪܓܘܫܬܐ ܕܡܕܝܢܝܘܬܐ

          ܐܓܪܬܐ ܩܐ ܝܡܝ

          ܝܘܒܒܼܐ ܕܚܡܫܝܢ

          ܫܬܩܐ ܕܝܘܡܐ

          ܕܐܟܼܝ ܠܐ ܡܝܬܠܝ

          ܡܬܠ̈ܐ ܐܬܘܖ̈ܝܐ

                    آشوری‌ها  در جنگ داعش

                    انهه‌ دوانا

                    لغات اکدی در سایر زبان‌ها

                    آداب و رسوم آشوری

                     شعر

                    غول خودخواه

                    مهاجرت، هویت، زبان و ژورنال ما!

                     نقش زنان در حفظ محیط زیست

                    آخرین یافته‌های پزشکی

                   یافته‌های جدید پزشکی از بین‌النهرین

                  حقوق زنان در دنیای امروز

 

ܢܫ̈ܐܘܠܫܢܐ ܝܡܝܐ

ܫܡܝܪܡ ܕܘܝܕ ܦܘܪܝܐܢ
 

   ܒܟܠ ܫܸܢ݇ܬܵܐ ܝܵܘܡܵܐ ܕ8 ܒܐܵܕܵܪ ܟܸܐ ܦܵܐܸܫ ܡܙܘܼܝܸܚܵܐ ܒܢܝܼܫܵܐ ܕܡܝܲܩܲܪܬܵܐ ܕܢܸܫܸ̈ܐ ܕܣܲܟܘܼܡܸܐ (ܬܲܪܘܼܨܸܐ) ܝܢܵܐ ܠܚܲܕ݇ ܩܘܼܛܢܵܐ (ܟܸܢܫܵܐ) ܒܸܫ ܙܵܘܕܵܐ ܡܼܢ ܦܲܠܓܵܐ ܕܩܘܼܛܢܵܐ ܕܒܪܝܼܬܵܐ. ܢܸܫܸ̈ܐ ܠܵܐ ܐܲܚܟ̰ܝܼ ܒܲܖ̈ܝܵܢܸܐ ـ ܦܪܝܼܫܵܐܝܼܬ ܒܲܖ̈ܝܵܢܸܐ ܕܒܲܪܢܵܫܘܼܬܵܐ ـ ܝܢܵܐ، ܐܸܠܵܐ ܐܲܝܟܼ ܒܢܵܬ ـ ܙܵܘܓܸ̈ܐ ܬܲܓܒܘܼܖܸ̈ܐ ܝܢܵܐ ܠܒܲܝܬܲܝܗܝ ܘܠܚܲܝܘܼܬܵܐ ܕܗܲܕܵܡܸ̈ܐ ܕܒܲܝܬܲܝܗܝ ܘܗܲܪ ܒܗܿܝ ܥܕܵܢܵܐ ܐܲܝܟܼ ܚܕܵܐ ܝܸܡܵܐ ܒܲܓ̰ܘܼܖܸ̈ܐ ܝܢܵܐ ܠܙܲܖ̈ܥܲܝܗܝ ܕܒܸܕ ܗܵܘܝܼ ܒܲܢܝܵܢܸ̈ܐ ܕܕܲܥܬܝܼܕ ܕܟܠ ܚܕܵܐ ܐܘܼܡܬܵܐ. ܐܝܼܢܵܐ ܫܒܼܘܿܩ ܡܼܢ ܐܵܗܵܐ ܢܸܫܸ̈ܐ ܐܝܼܬ ܠܗ݇ܘܿܢ ܓܲܖܸ̈ܐ ܟ̰ܸܡ ܐܵܢܲܢܩܵܝܸ̈ܐ ܐ݇ܚܸܖ̈݇ܢܸܐ ܓܵܘ ܒܲܝܬܵܐ ܘܓܵܘ ܐܘܼܡܬܵܐ.                                                  

   ܐܸܕܝܘܿܡ ܓܵܘ ܟܠܵܗܿ ܒܪܝܼܬܵܐ ܚܲܕ݇ ܣܲܗܡܵܐ ܓܘܼܪܵܐ ܕܢܸܫܸ̈ܐ ܦܠܵܚܵܐ ܝܢܵܐ ܠܒܲܕܲܪ ܡܼܢ ܒܲܝܬܵܐ ܒܫܘܼܓܼ݇ܠܵܢܸ̈ܐ ܡܫܲܚܠܦܸ̈ܐ ܡܐܲܝܟܼ ܡܲܠܦܵܢܘܼܬܵܐ، ܣܵܦܪܘܼܬܵܐ، ܐܵܣܝܘܼܬܵܐ، ܣܢܸܓܼܪܘܼܬܵܐ (ܘܲܟܝܼܠܘܼܬܵܐ)، ܦܲܠܵܚܘܼܬܵܐ ܘܫܪ. ܘܥܲܡܵܐ ܥܲܡ ܒܲܪ ـ ܙܵܘܓܲܝܗܝ ܗܲܝܘܼܖܸ̈ܐ ܝܢܵܐ ܩܵܐ ܚܲܝܠܵܢܬܵܐ ܕܐܲܝܟܵܢܵܝܘܼܬܵܐ ܐܸܩܢܘܼܡܝܼܵܝܬܵܐ ܕܒܲܝܬܲܝܗܝ ܘܐܝܼܬܠܗ݇ܘܿܢ ܚܕܵܐ ܡܲܥܒܼܕܵܢܘܼܬܵܐ ܪܲܒܬܵܐ ܠܵܐ ܐܲܚܟ̰ܝܼ ܒܐܸܩܢܘܼܡܝܼܵܐ ܕܒܲܝܬܲܝܗܝ ܐܸܠܵܐ ܒܐܸܩܢܘܼܡܝܼܵܐ ܕܐܲܬܪܲܝܗܝ ܘܟܠܵܗܿ ܒܪܝܼܬܵܐ. ܘܐܵܗܵܐ ܥܲܡܠܵܐ ܗ.ܕ. ܦܘܼܠܚܵܢܵܐ ܠܒܲܕܲܪ ܡܼܢ ܒܲܝܬܵܐ ܡܲܬܘܼܒܼܸܐ ܝܠܸܗ ܚܕܵܐ ܡܲܥܒܼܕܵܢܘܼܬܵܐ ܡܪܝܼܡܵܢܬܵܐ ܥܲܠ ܦܲܓܼܪܵܐ ܘܪܘܼܚܵܐ ܕܟܠ ܚܕܵܐ ܢܸܩܒܼܵܐ ܕܬܚܘܿܬ ܛܲܥܢܵܐ ܝܲܩܘܼܪܵܐ ܕܬܪܹܝܢ ܡܸܫܬܲܐܠܵܢܘܵܬܸ̈ܐ ܩܸܫܝܸ̈ܐ ܝܠܵܗܿ. ܐܝܼܢܵܐ ܒܟܠܵܗܿ ܐܵܗܵܐ، ܚܲܝܘܼܬܵܐ ܒܐܵܗܵܐ ܒܪܝܼܬܵܐ ܚܲܕ݇ܬܬܵܐ ܡܲܥܒܼܘܼܕܸܐ ܝܠܵܗܿ ܕܢܸܫܸ̈ܐ ܥܵܒܼܪܝܼ ܓܵܘ ܚܲܩܠܵܐ ܕܦܘܼܠܚܵܢܵܐ ܘܚܵܦܛܝܼ ܩܵܐ ܡܕܲܒܪܵܢܬܵܐ ܕܒܲܝܬܘܼܬܲܝܗ.

   ܐܝܼܢܵܐ ܫܒܼܘܿܩ ܡܼܢ ܟܠܲܝܗܝ ܓܲܖܸ̈ܐ ܡܘܼܕܟܼܸܖܸ̈ܐ، ܢܸܫܸ̈ܐ ܐܝܼܬܠܗ݇ܘܿܢ ܚܲܕ݇ ܓܲܪܵܐ ܟ̰ܸܡ ܐܵܢܲܢܩܵܝܵܐ ܒܒܪܝܼܬܵܐ ܕܝܼܠܸܗ ܫܲܪܒܵܐ ܕܢܛܵܪܬܵܐ ܕܠܸܫܵܢܵܐ ܝܸܡܵܝܵܐ. ܒܐܵܗܵܐ ܚܲܩܠܵܐ ܡܲܥܒܼܕܵܢܘܼܬܵܐ ܕܟ̰ܘܼ ܚܲܕ݇ ܡܼܢ ܗܲܕܵܡܸ̈ܐ ܕܚܲܕ݇ ܒܲܝܬܵܐ ܠܸܐ ܝܠܸܗ ܒܸܫ ܚܲܝܠܵܢܵܐ ܡܼܢ ܝܸܡܵܐ، ܗܿܝ ܕܡܼܢ ܗܿܘ ܪܦܵܦܵܐ ܩܲܕ݇ܡܵܝܵܐ ܕܒܪܵܝܬܵܐ ܕܫܲܒܼܪܘܼܗܿ، ܗܲܡܙܘܼܡܸܐ ܝܠܵܗܿ ܥܲܡܸܗ ܘܒܸܙܡܵܪܵܐ ܝܠܵܗܿ ܩܵܬܸܗ. ܘܟܸܐ ܐܵܡܪܝܼ ܕܝܸܡܵܐ ܗܿܝ ܡܲܠܦܵܢܬܵܐ ܩܲܕ݇ܡܵܝܬܵܐ ܝܠܵܗܿ ܒܚܲܝܘܼܬܵܐ ܕܟܠ ܚܲܕ݇ ܒܲܪܢܵܫܵܐ. ܘܗܲܪ ܐܵܗܵܐ ܓܲܪܵܐ ܝܠܸܗ ܕܡܫܲܪܘܼܪܸܐ ܝܠܸܗ ܠܡܸܫܬܲܐܠܵܢܘܼܬܵܐ ܕܢܸܩܒܼܵܐ (ܐܲܝܟܼ ܚܕܵܐ ܝܸܡܵܐ) ܩܵܐ ܢܛܵܪܬܵܐ ܕܠܸܫܵܢܵܐ ܝܸܡܵܝܵܐ ܒܐܘܼܪܚܵܐ ܕܚܘܼܦܵܛܵܐ ܩܵܐ ܡܲܠܲܦܬܵܐ ܕܠܸܫܵܢܘܼܗܿ ܠܙܲܖ̈ܥܘܼܗ.

   ܕܠܵܐ ܫܸܟ ܐܸܢ ܐܸܕܝܘܿܡ ܒܸܬܦܵܩܵܐ ܝܘܲܚ ܒܚܲܕ݇ܟܡܵܐ ܡܼܢ ܥܠܲܝܡܲܢ ܕܠܸܐ ܝܢܵܐ ܡܲܚܘܼܒܸܐ ܝܲܢ ܠܸܐ ܝܢܵܐ ܡܨܵܝܵܐ ܕܗܲܡܙܸܡܝܼ ܒܠܸܫܵܢܵܐ ܝܸܡܵܝܵܐ، ܚܲܕ݇ ܣܲܗܡܵܐ ܓܘܼܪܵܐ ܡܼܢ ܡܸܫܬܲܐܠܵܢܘܼܬܵܐ ܕܐܵܗܵܐ ܓܘܼܢܚܵܐ ܒܸܩܕܵܠܵܐ ܕܢܸܫܸ̈ܐ (ܐܲܝܟܼ ܝܸܡܵܬܸ̈ܐ) ܝܠܸܗ. ܐܸܢ ܟܠ ܚܕܵܐ ܝܸܡܵܐ ܪܵܥܫܵܐ ܥܲܠ ܐܵܢܲܢܩܵܝܘܼܬܵܐ ܕܢܛܵܪܬܵܐ ܕܠܸܫܵܢܵܐ ܝܸܡܵܝܵܐ ܘܒܐܘܼܪܚܵܐ ܕܓܲܪܘܲܣܬܵܐ ܕܙܲܖ̈ܥܘܼܗܿ ܚܵܦܛܵܐ ܠܗܲܡܙܲܡܬܵܐ ܨܦܝܼܬܵܐ ܥܲܡܲܝܗܝ ܘܡܲܪܥܸܫܵܐ ܠܗ݇ܘܿܢ ܠܘܵܠܝܼܬܲܝܗܝ ܓܘܼܪܬܵܐ ܩܵܐ ܢܛܵܪܬܵܐ ܕܠܸܫܵܢܲܝܗܝ، ܗܿܝܓܵܗ ܟܸܐ ܡܵܨܲܚ ܨܲܠܡܸܢܲܚ ܕܠܸܫܵܢܲܢ ܒܸܕ ܚܵܝܸܐ ܘܠܸܐ ܛܵܠܸܩ. ܘܩܵܐ ܡܛܵܝܬܵܐ ܠܐܵܗܵܐ ܢܝܼܫܵܐ ܐܵܢܲܢܩܵܝܬܵܐ ܝܠܵܗ ܕܟܠ ܚܕܵܐ ܝܸܡܵܐ ܠܵܐ ܡܲܚܦܸܠܵܐ ܒܐܘܼܪܚܵܐ ܕܡܲܠܲܦܬܵܐ ܕܠܸܫܵܢܵܐ ܝܸܡܵܝܵܐ ܩܵܐ ܝܲܠܕ݇ܘܼܗܿ ܘܒܢܵܬܘܼܗܿ. ܐܸܢ ܝܠܵܦܬܵܐ ܕܠܸܫܵܢܸ̈ܐ ܢܘܼܟܼܖ̈ܵܝܸܐ ܐܵܢܲܢܩܵܝܬܵܐ ܝܠܵܗܿ ܩܵܐ ܙܲܖ̈ܥܲܢ ܒܗܿܝ ܕܒܸܕ ܗܵܘܝܼ ܥܸܠܬܵܐ ܕܡܲܢܬܵܝܬܲܝܗܝ ܒܩܢܵܝܬܵܐ ܕܥܘܼܬܪܵܐ ܘܫܸܕܬܵܐ، ܗܲܪ ܗܵܕܟܼܵܐ ܝܠܵܦܬܵܐ ܕܠܸܫܵܢܵܐ ܝܸܡܵܝܵܐ ܙܸܐ ܐܵܢܲܢܩܵܝܬܵܐ ܝܠܵܗܿ ܒܗܿܝ ܕܒܸܕ ܗܵܘܸܐ ܥܸܠܬܵܐ ܕܡܲܢܬܵܝܬܲܝܗܝ ܒܩܢܵܝܬܵܐ ܕܚܕܵܐ ܦܲܪܨܘܼܦܵܝܘܼܬܵܐ ܓܡܝܼܪܬܵܐ ܒܡܸܨܥܵܝܘܼܬܵܐ ܕܩܢܵܝܬܵܐ ܕܗܝܼܵܝܘܼܬܲܝܗܝ ܐܘܼܡܬܵܢܵܝܬܵܐ.     

         ܐܵܦܸܢ ܕܥܲܣܩܘܼܬܵܐ ܕܚܲܝܘܼܬܵܐ ܒܐܵܗܵܐ ܙܲܒܼܢܵܐ ـ ܕܡܲܥܒܼܘܼܕܸܐ ܝܠܵܗܿ ܕܟܠ ܚܲܕ݇ ܐ݇ܢܵܫܵܐ ܗܵܘܸܐ ܒܸܪܚܵܛܵܐ ܩܵܐ ܩܢܵܝܬܵܐ ܕܢܲܦܩܵܬܸ̈ܐ ܕܚܲܝܘܼܬܸܗ ـ ܚܕܵܐ ܡܲܟܠܵܝܬܵܐ ܓܘܼܪܬܵܐ ܝܠܵܗܿ ܩܲܕ݇ܡ ܐܵܗܵܐ ܢܝܼܫܵܐ، ܐܝܼܢܵܐ ܢܛܵܪܬܵܐ ܕܠܸܫܵܢܵܐ ܝܸܡܵܝܵܐ ܕܐܸܣܵܐ ܫܲܬܐܸܣܵܝܵܐ ܕܢܛܵܪܬܵܐ      ܕܗܝܼܵܝܘܼܬܲܢ ܝܠܸܗ، ܚܲܕ݇ ܫܲܪܒܵܐ ܟ̰ܸܡ ܐܵܢܲܢܩܵܝܵܐ ܝܠܸܗ ܕܟܸܐ ܕܵܩܸܪ ܠܕܒܼܵܚܬܵܐ ܕܥܕܵܢܵܐ ܘܥܘܼܬܪܵܐ. ܐܝܼܢܵܐ ܩܵܐ ܒܲܗܪܵܢܬܵܐ ܕܐܵܢܲܢܩܵܝܘܼܬܵܐ   ܕܢܛܵܪܬܵܐ ܕܠܸܫܵܢܵܐ، ܣܢܝܼܩܸ̈ܐ ܝܘܲܚ ܠܚܘܼܦܵܛܵܐ ܚܲܝܠܵܢܵܐ ܕܟܠܲܝܗܝ ܡܸܫܬܲܐܠܵܢܸ̈ܐ ܕܐܘܼܡܬܲܢ، ܡܼܢ ܖܸ̈ܫܵܢܸܐ ܕܡܵܘܬܒܼܸ̈ܐ ܘܓܲܒܸ̈ܐ ܗܲܠ ܖܸ̈ܫܵܢܸܐ ܕܥܸܕܵܬܸ̈ܐ ܕܟܸܐ ܡܵܨܝܼ ܗܵܘܝܼ ܡܲܫܚܸܕܵܢܸ̈ܐ ܕܐܵܗܵܐ ܘܵܠܝܼܬܵܐ ܘܡܲܬܒܼܝܼ ܚܕܵܐ ܡܲܥܒܼܕܵܢܘܼܬܵܐ ܚܲܝܠܵܢܬܵܐ ܥܲܠ ܬܲܚܡܲܢܝܵܬܸ̈ܐ ܕܒܢܲܝ̈ ܐܘܼܡܬܲܢ. ܘܗܲܪ ܒܗܿܝ ܥܕܵܢܵܐ ܘܵܠܸܐ ܝܠܵܗܿ ܥܲܠܲܢ ܕܗܲܕܪܲܚ ܠܐܲܝܟܵܢܵܝܘܵܬܸ̈ܐ ܠܚܝܼܡܸ̈ܐ ܩܵܐ ܡܲܠܦܵܢܘܼܬܵܐ ܕܠܸܫܵܢܲܢ ܒܲܣܝܼܡܵܐ. ܘܐܸܢ ܠܵܐ ܚܲܝܵܒܼܸ̈ܐ ܝܘܲܚ ܩܲܕ݇ܡ ܬܲܫܥܝܼܬܵܐ

ܠܲܗܢܩܬ̣ܐ

ܢܝܢܒ ܠܡܣܘ

ܠܲܗܢܩܬ̣ܐ^[1] 

ܫܸܢܬ݂ܝܼ ܚܸܠܡܵܐ ܗܘܵܬ݁

ܘܚܸܠܡܝܼ،

ܫܸܢܬ݂ܵܐ ܚܠܝܼܬ݂ܵܐ ܗܘܵܐ

ܒܚܸܠܡܝܼ،

ܐܲܬ݂ܪܝܼ ܢܘܼܢܹ̈ܐ ܘܠܼܿܚܡܵܐ ܗܘܵܐ،

                ܘܕܲܒ̣ܫܵܐ ܐܲܝܟ݂ ܚܲܠܒ̣ܵܐ ܕܝܸܡܝܼ،

ܐܲܬ݂ܪܝܼ

ܚܸܠܡܵܐ ܗܘܵܐ ܒܥܲܝܢܵܐ ܕܫܲܒ݂ܪܹ̈ܐ...

                      ܘܐܵܢܝܼ ܣܠܵܩܵܐ ܒܟܵܘܟܼܒܹ̈ܐ

                                    ܕܚܵܒ݁ܩܝܼ ܠܣܲܗܪܵܐ

ܒܚܸܠܡܹ̈ܐ ܕܚܵܠܘܿܡܵܐ

ܕܓܵܘܝܼ، ܐܲܬ݂ܪܝܼ ܦܵܬ̣ܘܿܪܵܐ ܗܘܵܐ

ܡܲܣܒ݂ܘܿܥܹܐ ܠܟܲܪ̈ܣܵܬ݂ܵܐ ܕܲܟܦܝܼܢܹ̈ܐ، ܘܟܦܝܼܢܲܝ̈ ܥܲܝܢܵܐ

ܐܹܝܢ، ܐܲܬ݂ܪܝܼ ܡܲܣܵܐܬ݂ܵܐ ܗܘܵܬ݁

ܠܵܐ ܒܝܲܡܝܼܢܵܐ ܕܲܛܪ̈ܘܼܢܹܐ،

ܐܝܼܢܵܐ ܒܣܸܡܵܠܵܐ ܕܥܲܡܵܐ.

ܐܲܬ݂ܪܝܼ ܡܘܿܪܸܡ ܠܹܗ ܪܹܫܹܗ،

ܡܥܲܠ ܬ݇ܫܘܝܼܬ݂ܵܐ ܕܡܲܪܥܹܗ:

"ܫܒ݂ܘܿܩ ܠܝܼ^[2] ܕܡܘܼܪܸܫܸܬ݁ ܠܝܼ^[3]!"

--------------

ܚܠܵܡܵܐ ܝܘܸܢ ܗܘܵܐ ܒܐܲܬ݂ܪܝܼ

ܘܲܒܚܲܕ݂݇ ܛܵܘܪܵܐ^[4]

ܪܥܝܼܫ ܠܝܼ ܕܚܵܝܹܝܢ ܠܹܗ ܐܲܬ݂ܪܝܼ ܟܵܒ݂ܘܿܫܵܐ^[5].

ܐܲܬ݂ܪܝܼ،

ܩܵܐ ܡܵܘܕ݂ܝܼ ܟܠܼܿܝܗܝ ܠܵܒ݂ܫܝܼ ܠܹܗ ܐܲܬ݂ܪܲܝܗܝ ܚܲܕ݂ܘܼܬ̣ܵܐ

ܘܐܵܢܵܐ ܠܵܐ ܝܘܸܢ ܡܨܵܝܵܐ ܕܫܵܠܚܸܢ ܠܹܗ ܚܲܫܘܼܟ݂ ܡ̣ܢ ܦܲܐܬ݂ܝܼ؟

ܐܲܬ݂ܪܝܼ،

ܩܵܐ ܡܵܘܕ݂ܝܼ ܟܠܼܿܝܗܝ ܚܵܝܝܝܼ ܠܹܗ ܐܲܬ݂ܪܲܝܗܝ ܚܸܠܡܵܐ،

ܘܐܵܢܵܐ ܚܵܠܡܸܢ ܠܘܼܟ݂ ܐܲܬ݂ܪܵܐ؟

ܐܵܪܵܐ ܐܵܢܵܐ ܝܘܸܢ ܡܥܘܿܢܘܝܼܵܐ^[6] ܕܲܡܫܲܢܩܸܬ݁ ܠܝܼ^[7]،

ܐܵܘ ܐܲܢ݇ܬ݁ ܝܘܸܬ݁ ܫܢܝܼܓ݂ܵܐ^[8] ܠܫܘܼܢܵܩܝܼ^[9]؟

ܒܲܚܕ݂ܵܐ ܕܲܠܵܠܹܐ،

ܓܫܝܼܪ ܠܗ݇ܘܿܢ ܠܚܵܒ݂ܘܿܪܵܐ^[10]

ܘܐܲܢ݇ܬ݁ ܕܲܠܵܠܝܼ

ܟܡܵܐ ܕܲܠܵܠܹ̈ܐ ܒܩܵܛܠܸܬ݁

ܗܵܠ ܕܩܵܛܪܝܼ ܩܸܛܵܪ̈ܘܼܟ݂^[11]؟

ܐܵܪܵܐ ܚܸܠܩܝܼ ܝܠܹܗ

ܕܐܲܬ݂ܪܝܼ ܗܵܘܹܐ ܙܩܝܼܦܵܐ

     ܕܛܵܥܢܸܢ ܠܹܗ ܠܚܲܨܝܼ،

           ܡ݂ܢ ܕܲܪܓܘܼܫܬܵܐ ܘܗܵܠ ܩܲܒ݂ܪܵܐ؟!

ܐܵܗܗ ܐܲܬ݂ܪܝܼ،

ܬܗܵܪܵܐ ܝܘܸܢ ܒܘܼܟ̣^[12]

            ܐܵܪܵܐ ܐܲܢ݇ܬ݁،

            ܠܘܼܛܬܵܐ ܝܼܗܘܹܝܬ݁ ܐܵܘ ܒܘܼܪܸܟ݁ܬ݂ܵܐ؟

---

[1]        Hiraeth: a deep feeling of homesickness for a place that is forever lost ܚܫܝܼܠ ܠܝܼ ܠܐܲܝܵܐ ܒܲܪ݇ܬ̣ܩܵܠܵܐ - ܫܸܡ ܣܘܼܥܪܵܢܵܐ - ܕ’ܠܲܗܢܲܩܬ݂ܵܐ’ ܠܲܙܒܲܢ݇ܬܵܐ ܩܲܕ݂ܡܵܝܬܵܐ ܡ̣ܢ ܐܲܢܲܝ ܬܲܪܬܹܝܢ݇ ܒܢܵܬ݂̈ܩܵܠܹܐ: ܠܵܗܹܩ (to long) + ܐܸܢܲܩ(To groan/to sigh) ܘܗܵܕܟ̣ܵܐ ܒܗܵܘܝܵܐ ܠܲܢ ܡܸܠܬ݂ܵܐ ܪܒ̣ܝܼܥܵܝܬܵܐ، ܡܠܲܗܢܸܩ، ܡܠܲܗܢܘܿܩܹܐ ܘܲܣܛܲܪ.

[2]          Forgive me

[3]          I had woken you up

[4]          In a nanosecond

[5]          Nightmare

[6]          Addicted

[7]          For you to torture me

[8]          In love

[9]          My torture

[10]        They bridged Khabour, there are two Khabour rivers, this is in reference to Khabour of Tigris with its famous bridge, and the legend associated with it

[11]        Spine-disks ܣܘܵܕܵܐܝܼܬ݂: ܟܸܬܵܪܹ̈ܐ.

[12]        I am confused by you

 ----------------------------------------

Dalale song