Bulletin No. 14

ܫܡܝܪܡ

ܟܘܪܣܐ ܓܘܝܐ                             

ܫܘܬܦܘܬܐ ܕܢܫ̈ܐ ܐܬܘܖ̈ܝܐ ܫܡܝܪܡ

ܡܢܝܢܐ 14  ܬܫܖ̈ܝܐ 2012

                    ܚܒܼܝܫܵܬ̈ܐ

ܒܠܫܢܐ ܐܬܘܪܝܐ

     ܦܘܬܚܐ

      ܡܠܦܢܐ ܪܒܐ(ܡܫܘܚܬܐ)

      ܡܫܘܚܬܐ ܠܪܘܡܪܡܐ ܕܡܠܦܢܐ

     ܛܟܼܣ̈ܐ ܕܐܒܼܗܬ̈ܐ

     ܡܬܠ̈ܐ ܒܒܼܠܝ̈ܐ

     ܥܠ ܥܝܢܐ ܕܡܝ̈ܐ(ܗܘܩܝܬܐ)

     ܥܪܒܠܐ(ܗܘܩܝܬܐ)

بزبان فارسی

       اخبار

      مقام زن آشوری در تاریخ(3)

       تأثیر زبان سریانی در فارسی

       اسطوره های بین النهرینی

       مشایعت مرواریدی دیگر(شعر)

       اسرحدون شاه آشور(داستان)

       گفتگو

       نامه رسیده

ܦܘܬܚܐ

   ܟܠ ܫܸܢ݇ܬܵܐ ܒܐܵܗܵܐ ܲܐܲܩܡܵܐ ܥܲܡ ܫܘܼܚܠܵܦܵܐ ܕܟܝܵܢܵܐ ܘܥܲܡ ܦܵܘܚܸ̈ܐ ܘܡܸܛܖ̈ܵܬܸܐ ܕܡܲܚܙܘܼܝܘܼܗܿ ܝܢܵܐ ܓܵܢܲܝܗܝ ܐܲܝܟܼ ܪܘܼܫܡܵܐ ܕܬܸܫܖ̈ܝܼܸܐ ܒܸܚܙܵܝܵܐ ܝܘܲܚ ܠܝܵܠܲܕ݇̈ܢ ܘܒܢܵܬܲܢ؛ ܠܥܠܲܝܡܲܢ ܘܠܥܠܲܝܡܵܬܲܢ ܕܩܲܢܝܵܐ ܒܐܝܼܕܲܝܗܝ ܘܟ̰ܲܢܬܵܐ ܒܪܲܦ̰ܫܲܝܗܝ ܗܲܕܘܼܖܸ̈ܐ ܝܢܵܐ ܩܵܐ ܩܢܵܝܬܵܐ ܕܝܘܼܠܦܵܢܵܐ. ܐܵܦ ܒܸܚܙܵܝܵܐ ܝܘܲܚ ܠܡܲܠܦܵܢܸ̈ܐ ܘܠܡܲܠܦܵܢܝܵܬܸ̈ܐ ܕܗܲܕܘܼܖܸ̈ܐ ܝܢܵܐ ܩܵܐ ܡܲܪܒܵܝܬܵܐ ܘܒܲܓ̰ܲܪܬܵܐ ܕܚܲܕ݇ ܝܲܗܠܵܐ ܐ݇ܚܸܪ݇ܢܵܐ ܡܼܢ ܫܲܒܼܖܸ̈ܐ ܘܥܠܲܝܡܸ̈ܐ. ܘܗܲܪ ܒܐܵܗܵܐ ܐܲܩܡܵܐ ܟ̰ܸܡ ܚܫܝܼܚܬܵܐ ܝܠܵܗܿ ܠܡܲܕܟܼܘܼܖܸ̈ܐ ܒܘܼܬ ܡܲܠܦܵܢܸ̈ܐ ܪܲܒܸ̈ܐ ܕܐܘܼܡܬܲܢ؛ ܐܵܢܝܼ ܕܡܘܼܬܸܒܼܠܗ݇ܘܿܢ ܫܲܬܐܸܣܬܵܐ ܕܠܸܫܵܢܵܐ ܣܘܼܪܝܵܝܵܐ ܒܕܵܪܵܐ ܚܲܕ݇ܬܵܐ.                                                                    

   ܒܬܲܫܥܝܼܬܵܐ ܕܐܘܼܡܬܲܢ ܐܝܼܬ ܪܵܒܵܐ ܫܸܡܵܢܸ̈ܐ ܠܲܓ̰ܠܸܓ̰ܵܢܸܐ ܕܗܲܠ ܐܲܒܲܕ ܒܸܕ ܦܵܝܫܝܼ ܡܘܼܕܟܼܖܸ̈ܐ ܒܗܿܝ ܕܦܘܼܠܚܵܢܲܝܗܝ ܒܪܲܗܛܵܐ ܕܡܲܠܦܵܢܘܼܬܵܐ ܕܠܸܫܵܢܵܐ ܐܸܡܗܵܝܵܐ(ܝܸܡܵܝܵܐ) ܗ݇ܘܝܼܵܐ ܝܠܸܗ ܚܲܕ݇ ܥܒܼܵܕܵܐ ܕܕܒܼܝܼܚ ܢܲܦܫܘܼܬܵܐ. ܘܡܸܢܲܝܗܝ ܝܢܵܐ: ܦܘܿܠ ܒܲܝܓ̰ܵܢ؛ ܡܵܪܝ ܬܐܘܿܡܵܐ ܐܘܿܕܘܼ؛ ܐܲܕܲܝ ܫܝܼܪ؛ ܢܵܥܘܼܡ ܦ̰ܵܐܸܩ؛ ܢܸܡܪܘܼܕ ܣܝܼܡܘܿܢܘܿ؛ ܟܘܼܪܸܫ ܒܸܢܝܵܡܝܼܢ ܘܫܪ.                                                        ܐܸܢ ܒܐܵܗܵܐ ܙܲܒܼܢܵܐ ܗܸܫ ܦܝܵܫܵܐ ܝܠܸܗ ܚܲܕ݇ ܠܸܫܵܢܵܐ ܒܫܸܡܵܐ ܕܠܸܫܵܢܵܐ  ܣܘܼܪܝܵܝܵܐ؛ ܐܸܢ ܝܵܠܲܕ݇̈ܢ ܘܒܢܵܬܲܢ ܡܨܵܝܵܐ ܝܢܵܐ ܝܵܠܦܝܼ ܠܸܫܵܢܵܐ ܕܝܸܡܲܝܗܝ ܘܐܸܢ ܐܝܼܬ ܒܐܘܼܡܬܲܢ ܪܵܒܵܐ ܓܵܢܵܬܸ̈ܐ ܕܠܵܐ ܟ̰ܘܼ ܚܲܕ݇ ܩܢܵܝܬܵܐ ܡܲܩܪܘܼܝܸܐ ܘܡܲܠܘܼܦܸܐ ܝܢܵܐ ܠܐܵܗܵܐ ܠܸܫܵܢܵܐ؛ ܟܠܸܗ ܡܼܢ ܥܲܡܠܸ̈ܐ ܘܓ̰ܲܢܓ̰ܲܖ̈ܝܵܬܸܐ ܕܐܵܢܝܼ ܡܲܠܦܵܢܸ̈ܐ ܫܒܼܝܼܚܸ̈ܐ ܝܠܵܗܿ.                                                                             
  ܥܲܡ ܕܘܼܟܼܪܵܢܵܐ ܕܡܲܠܦܵܢܸ̈ܐ ܪܲܒܸ̈ܐ ܘܵܠܸܐ ܝܠܵܗܿ ܥܲܠܲܢ ܕܕܲܟܼܪܲܚ ܘܡܝܲܩܪܲܚ ܠܡܲܠܦܵܢܸ̈ܐ  ܕܐܵܗܵܐ ܙܲܒܼܢܵܐ ܕܐܵܦ ܐܵܢܝܼ ܒܸܕܒܼܵܚܵܐ ܝܢܵܐ ܠܥܕܵܢܵܬܲܝ̈ܗܝ ܘܠܚܲܝܲܝ̈ܗܝ ܘܠܒܘܼܣܵܡܲܝ̈ܗܝ ܒܢܝܼܫܵܐ ܕܡܲܠܲܦܬܵܐ ܕܐܵܠܲܦ ܘܒܸܝܬ ܩܵܐ ܒܢܲܝ̈ ܐܘܼܡܬܲܢ ܙܥܘܿܖܸ̈ܐ ܝܲܢ ܓܘܼܖܸ̈ܐ؛ ܥܠܲܝܡܸ̈ܐ ܝܲܢ ܣܵܒܼܸ̈ܐ. ܐܵܦ ܘܵܠܸܐ ܝܠܵܗܿ ܥܲܠܲܢ ܕܗܵܘܲܚ ܡܥܲܕܖ̈ܵܢܸܐ(ܗܲܝܸܖ̈ܵܢܸܐ) ܩܵܬܲܝܗܝ ܒܐܵܗܵܐ ܫܒܼܝܼܠܵܐ ܡܩܘܼܕܫܵܐ ܕܒܸܐܙܵܠܵܐ ܝܢܵܐ ܒܝܼܘܼܗܝ.         ܚܫܝܼܚܬܵܐ ܝܠܵܗܿ ܠܡܲܕܟܼܘܼܪܸܐ ܕܐܝܼܬ ܗ݇ܘܵܐ ܠܲܢ ܚܲܕ݇ ܡܸܢܝܵܢܵܐ ܓܘܼܪܵܐ ܕܡܲܠܦܵܢܝܵܬܸ̈ܐ ܪܲܒܸܐ ܐܲܝܟܼ ܪܵܒܝܼ ܨܘܿܦܝܵܐ  ܩܲܓ̰ܲܪܝܵܐܢ ܕܒܕܸܦܢܵܐ ܕܡܲܠܦܵܢܸ̈ܐ ܐ݇ܚܸܖ̈݇ܢܸܐ ܡܘܼܓܡܸܖܸ̈ܐ ܝܢܵܐ ܠܪܲܗܛܵܐ ܕܡܲܠܦܵܢܘܼܬܵܐ ܕܠܸܫܵܢܵܐ ܐܸܡܗܵܝܵܐ ܒܐܘܼܡܬܲܢ ܘܡܫܘܼܪܸܖܸ̈ܐ ܝܢܵܐ ܠܐܵܗ ܬܲܚܡܲܢܬܵܐ ܕܢܸܫܸ̈ܐ ܐܵܬܘܼܖ̈ܵܝܸܐ ܟܠ ܥܕܵܢܵܐ ܗ݇ܘܝܼܸܐ ܝܢܵܐ ܡܸܫܬܲܖ̈ܟܵܢܸܐ ܒܫܩܵܠܬܵܐ ܕܛܲܥܢܵܐ ܕܡܸܫܬܲܐܠܵܢܘܵܬܸ̈ܐ ܝܲܩܘܼܖܸ̈ܐ ܕܐܘܼܡܬܵܐ. ܒܸܛܠܵܒܵܐ ܝܘܲܚ ܡܼܢ ܡܵܪܝܵܐ ܚܘܼܠܡܵܢܵܐ ܩܵܬܲܝܗܝ ܘܒܣܲܒܼܪܵܐ ܝܘܲܚ ܕܥܠܲܝܡܲܢ ܘܥܠܲܝܡܵܬܲܢ ܒܸܕ ܦܲܪܥܝܼ ܠܥܲܡܠܲܝܗܝ ܒܝܠܵܦܬܵܐ ܘܡܲܦܠܲܚܬܵܐ ܕܠܸܫܵܢܵܐ ܕܝܸܡܵܐ ܗܵܕܟܼܵܐ ܕܐܵܦ ܐܵܢܝܼ ܐܵܙܠ݇ܝܼ ܒܐܵܗ ܫܒܼܝܼܠܵܐ ܘܚܵܦܛܝܼ ܠܡܲܠܲܦܬܵܐ ܘܡܲܪܘܲܚܬܵܐ ܕܠܸܫܵܢܵܐ ܣܘܼܪܝܵܝܵܐ.   ܫܠܡ.                  

                                        

ܡܠܦܢܐ ܪܒܐ

ܩܵܬܘܼܟܼ ܪܵܒܝܼ ܚܘܼܒܝܼ ܘܫܠܵܡܝܼ؛ ܕܠܸܒܘܼܟܼ ܠܒܼܝܼـܚܵܐ ܡܢܘܼܪܵܐ ܕܚܘܼܒܵـܐ

ܩܵــܬܘܼܟܼ ܪܵܒــܝܼ ܐܵܦ ܐܝܼܩܵـــܪܝܼ؛ ܠــܗܿܝ ܡܠܝܼـܠܘܼܬܵܐ ܕܠܵـܐ ܬܸܚܘܼܒܵـܐ

ܐܘܿ ܡܲܠܦܵܢܵـܐ؛ ܕܚܲܝــܘܼܟܼ ܥܒܼܸــܪܗ݇ܘܿܢ ܓܵـܘ ܡܲܠܲـܦـܬܵܐ ܕܟܡܵܐ ܐܲܬܘܵܬܸ̈ܐ

ܡܲܠـܘܼܦܸـــܐ ܝــܘܸܬ ܡܼܢ ܕܘܼܖ̈ܵܫܸـــܐ ܕܙܲܒܼــܢܸ̈ܐ ܥܒܼܝܼـܖܸ̈ܐ ܘܚܲــܝܸ̈ܐ ܚܲــܕ݇ܬܸ̈ܐ

ܒܸܫܒܼܵܩܲܝܗܝ ܝـܘܸܬ ܝܵܘܡܸ̈ܐ ܘܝܲܖ̈ܚܸܐ؛ ܒܸܬܒܼܵܪܵܐ ܝܘܸܬ ܠܓܘܼܠܦܵܐ ܕܙܲܒܼܢܵܐ

ܠܲܝܬ ܠܘܼܟܼ ܙܲܝܢܵܐ؛ܒܐܝܼܕܵܐ ܣܦܝܼܩܬܵܐ ܟ̰ܘܼܟܒܸܢܵܐ ܝܘܸܬ ܐܲܚܟ̰ܝܼ ܒܗܵܘܢܵܐ

ܡܵܢ ܒܸܕ ܦܵܪܥܸܐ ܠܐܵܢܝ݇ ܝܵܘܡܵܢܸ̈ܐ ܕܥܒܼܸܪܗ݇ܘܿܢ ܚܲܕ݇ ܚܲܕ݇ ܡܸܢ ܚܲܝــܘܼܬܘܼܟܼ؟

ܡܵܢ ܟܸܐ ܡܵܨܸܐ ܕܫܵܩܸܠ ܠܸـܒܘܼܟܼ ܘܡܲܕܸܪ ܩܵـܬܘܼܟܼ ܠـܗܿܝ ܥܠܲܝـܡܘܼܬܘܼܟܼ؟

ܠܵـܐ ܫـܘܼܪܫܸـܐܠـܘܼܟܼ؛ ܗܸܟ̰ ܠܵـܐ ܟܠܸـܐܠـܘܼܟܼ ܡܼܢ ܐܵܗܵܐ ܥܒܼܵܕܵܐ ܩܲܕܝܼـܫܵــܐ

ܩܵــܕ݇ܡ ܛܵـܘܦܵـܢܵــܐ ܕܕܘܿܪܵܐ ܲܒܝܼـܫܵــܐ ܐܲܚـܟ̰ــܝܼ ܐܲܢ݇ــܬܸܢ ܝܑܼܘܸܬ ܦܝܼـܫܵـــܐ

ܐܘܿ ܐܲܟܵܪܵܐ ܕܚܲــܩـܠܵـــܐ ܕܓܵــܢܵܐ؛ ܒܸــܙܪܵܥܵـــܐ ܝــܘܸܬ ܕܵܢܵـــܐ ܒــܕܵܢܵـــܐ

ܠــܗܿܘ ܒܲــܪܙܲܪܥܵــܐ ܫܡܲܝܵــܢܵܝܵـــܐ ܕܓܲــܪܘܸܣ ܘܗܵܘܸܐ ܚܲـــܕ݇ ܐܝܼـܠܵــܢܵـــܐ

ܟܸܠܝܵܐ ܒܚܸܣܢܵܐ ܕܠܸــܫܲܢ ܝܸܡܵܐ؛ ܒܠܲܝܠܸــܐ ܘܒܝܵـܘܡܵــܐ ܓܵــܘ ܫܵــܗܲܪܬܵܐ

ܐܵܬܵܐ ܒـܐܝܼــܕܘܼܟܼ ܒܸܢܛܵـܪܵܐ ܝــܘܸܬ ܒܟـܠܸــܗ ܚܲܝـܠـܘܼܟܼ ܠـܐܵܗܵܐ ܕܵܪܬܵܐ

ܗ݇ܘܸܐ ܠــܘܼܟܼ ܟܸــܐܦܵــܐ ܩܵــܐ ܠܸܫܵܢܵــܐ؛ ܝܵـــܐ ܐܲܢ݇ـــܬ ܪܵܒــܝܼ ܡܲܩـܪܝܼܵܢܵــܐ

ܒܕܘܼܡܝܵܐ ܕܦܸܛܪܘܼܣ ܕܗ݇ܘܸܐ ܠܸــܗ ܟܸܐܦܵܐ ܠܥܸܕܬܵܐ ܕܝܼܫܘܿܥ ܡܲܚܝܼܵܢܵــܐ

ܩܵــܬܘܼܟܼ ܪܵܒــܝܼ ܟܵܝــܦܵܢ ܪܸܫــܝܼ؛ ܕܲܚܫܝܼܚܵــܐ ܝــܘܸܬ ܠـܟــܠ ܐܝܼـܩܵــܪܵܐ

ܐܲܢ݇ܬܸܢ ܝــܘܸܬ ܚܸـܩܪܵܐ ܕܥܲܡܵــܐ؛ ܩܵــܐ ܐܘܼܡـܬܵܐ ܝـܘܸܬ ܚܲــܕ݇ ܫܘܼܒܼܗܵܪܵܐ

                                               ܫܡܝܪܡ ܕ.ܦܘܪܝܐܢ

       ܀ ܐܵܗܵܐ ܡܫܘܼܚܬܵܐ ܟܬܝܼܒܼܵܐ ܠܝܼ ܘܩܸܪܝܵܐ ܠܝܼ ܠܐܝܼܩܵܪܵܐ ܕܡܲܠܦܵܢܵܐ ܟܲܫܝܼܪܵܐ ܪܵܒܝܼ ܫܸܡܥܘܿܢ ܒܸܝܬ ܝܼܫܘܿܥ  ܒܬܸܫܖ̈ܝܐ 2006 ܒܚܘܼܪܙܵܐ ܕܪܘܼܡܪܵܡܵܐ ܕܦܝܼܫܵܐ ܗ݇ܘܵܐ ܡܘܼܪܝܸܙܵܐ ܒܝܲܕ ܫܵܘܬܵܦܘܼܬܵܐ ܕܣܵܦܪܵܐ ܒܡܕܝܼܢ݇ܬܵܐ ܕܛܲܗܪܵܢ ܘܐܸܕܝܵܘܡ ܡܲܩܪܘܼܒܼܘܼܗܿ ܝܘܵܢ ܠܐܝܼܩܵܪܵܐ ܕܟܠܲܝܗܝ     ܡܲܠܦܵܢܸ̈ܐ ܕܠܸܫܵܢܵܐ ܣܘܼܪܝܵܝܵܐ                                                                                                   

   

ܡܫܘܚܬܐ ܠܪܘܡܪܡܐ ܕܡܠܦܢܐ

                                      ܢܸܡܪܘܼܕ ܣܝܼܡܘܿ                       ܟܘܼܪܸܫ ܒܸܢܝܵܡܝܼܢ                                                                                                                                

                          

     ܐܵܠܲــܦ ܐܲܠܵـــܗܵܐ ܝـܠܵــܗ؛ ܒܸـܝـــܬ ܒܸـܢـܝܲــܬ ܘܒܲـܝـܬܵܐ        

     ܐܘܼܡـܬܵܐ ܕܢܵܛــܪܵܐ ܠܐܵܠܲـܦ ܘܒܲܝــܬܘܼܗܿ ܠܸــܐ ܡܵܝــܬܵܐ

     ܥܲــܠ ܐܵܬܘܼܬܵܐ ܕܡــܝܼــܡ ܒܸــــܕ ܗܵܘܸܐ ܠܲــܢ ܟـܠܵـܝــܬܵܐ

     ܡܣܲـܒܲــܒ ܒܫܸــܡܵـــܐ ܕܡܲܠـܦܵــܢܸ̈ܐ ܝـܠܵـܗܿ ܫــܘܼܪܵܝــܬܵܐ     

                             ܀܀܀܀܀

     ܡܼـܢ ܓ̰ܲــܠــܕܸܐ ܠܕܐܵܗܵܐ ܛـܝــܘܼܦܵـــܐ ܝــܘܸܢ ܕܲܝــܢܵـܢܵــܐ     

     ܠــܡܲــܠــܦܵܢܸ̈ܐ ܟܲـܫــܝܼــܖܸ̈ܐ ܡܸܠــܝܸ̈ـــܐ ܡܼــܢ ܛـــܢܵــܢܵــܐ

     ܪܲܒ ܚܲـܝــܠܵـــܐ ܕܩܵܠܵــܡܵــܐ ܒܵــܒܵــــܐ ܕܝـܘܼܠــܦܵــܢܵـــܐ

     ܐܸܕܝܘܿܡ ܥܕܵܢܵــܐ ܝـܠܵـــܗ ܩܵـــܐ ܦܲـܪܥܵـܝــܬܵܐ ܕܕܲܝـܢܵــܐ      

                            ܀܀܀܀܀

     ܐܵܢـــܝܼ ܩܲـــــܕ ܕܒܼـܝܼـܩܲــܝܠـــܗ݇ܘܿܢ ܐܝܼــــܕܵܬܲܢ ܙܥــܘܿܖܸ̈ܐ      

     ܩܵـــܐ ܕܗܲܕܪܝܼܠـــܗ݇ܘܿܢ ܩܵــــܐ ܫــܘܼܓܼــܠܵــܢܸ̈ܐ ܓــܘܼܒܼــܖܸ̈ܐ

     ܐܲܝـܟܼ ܡܲــܠܲــܐܟܼܸ̈ــــܐ ܟــܗܵܘܝܼ ܠــܝܵــܠܲــــܕ݇ܢ ܢܵـܛـــܘܿܖܸ̈ܐ      

     ܦܲــــܬܚܵــܢܵـــــܐ ܕܥܲــܝــܢܵــــܬܸ̈ܐ ܣܸــܡـــــܝܸ̈ܐ ܘܟــــܘܼܖܸ̈ܐ      

                           ܀܀܀܀܀

     ܟܡܵــܐ ܕܚܲܝܵـــܐ ܝــܘܸܢ ܐܝܼــܬܠــܝܼ ܒــܐܝܼــܕܝܼ ܩܲܠܵܡܵـــܐ      

     ܠܸـــܐ ܡܵܢܫܸܢ ܠܡܲܠܦܵܢـــܝܼ ܚܘܼܒــܘܼܗـܝ ܠܵـــܐ ܬܝܵــܡܵـــܐ      

     ܐܵܢܵـــــܐ ܐܲܝـــܟܼ ܢܵــܛــܘܿܦـــــܬܵܐ؛ ܪܵܒـܝܼـــܝܼ ܝܲـــܡܵــــــܐ

     ܚܲܕܘܼܬܵܐ ܝܠܵܗܿ ܕܡܝܲܡܘܼܗـܝ ܫܩܝܼܠܵـܐ ܝــܘܸܢ ܣܲــܗܡܵــــܐ       

                            ܀܀܀܀܀

     ܐܘܼܡܬܲܢ ܒܸܚـܙܵܝܵــܐ ܝــܘܸܢ ܠـܘܵܠـܝܼـܬܘܼܗܿ ܪܥـܝܼــܫـــܬܵܐ       

     ܐܲܝـܟܵـــــܐ ܕܕܵܒܼـــܚــܝܼ ܒܫܲــܬܐܲܣـــــܬܵܐ ܕܡܲܕܪܲܫــــܬܵܐ

     ܐܵܦܸܢ ܕܚܲــܫܵܢܸ̈ܐ ܝــܘܲܚ ܒــܘܼܕ ܟܘܵܟ̰ـــܬܵܐ ܘܦــܪܵܫـــــܬܵܐ

     ܡܲܕܖ̈ܵܫــܝܵــــܬܲܢ ܒــܗܵܘܝܼ ܥܸــܠـــܬܵܐ ܕܡܲــܪܥܲـــܫــــܬܵܐ        

                           ܀܀܀܀܀

     ܪܵܒـــܝܼ ܐܝܼــܩܵــܪܵܐ ܝـܠܸـــܗ ܡܸــܠــܝܵــــܐ ܡܼــܢ ܫــܘܼܦܪܵܐ        

     ܟܡܵــܐ ܕܟܵܬܒܼܸܢ ܒــܘܼܬ ܕܝܼــܘܼܗـܝ ܠܸـܐ ܦܵــܪܸܩ ܚܲـܒـܪܵܐ

      ܡܼـܢ ܚܸـܫـܟܵـــܐ ܝܠܸܗ ܩܵـــܬܝܼ ܡــܘܼܡـܛــܝܼܵܐ ܠـܨܲܦـܪܵܐ

     ܟܡܵܐ ܕܚܲܝܵــܐ؛ ܬ݇ܚــܘܿܬ ܐܲܩܠـܘܼܗـܝ ܝܑܼܘܸܢ ܐܲܝܟܼ ܥܲܦـܪܵܐ       

                          ܀܀܀܀܀

     ܡܼـܢ ܝܲــܡܵـــــــܐ ܕܡܲـــܪܕܘܼܬܵܐ ܟــܦܵـــܖ̈ܝܼ ܫܵــܩــܝܵــــܬܸ̈ܐ       

     ܟܸـــــܐ ܡܲــܫــــܬܝܼ ܠـــܨܲܗܝܸ̈ܐ؛ ܒـܢـــܘܿܢܸ̈ܐ ܘܒــܢܵـــܬܸ̈ܐ        

     ܒـܝܲــܕ ܡܲܠܲـܦـــܬܵܐ ܕܩܵـــܬܲܝܗܝ ܡܸـܢـܕܝܵــܢܸ̈ܐ ܚܲــــܕ݇ܬܸ̈ܐ        

     ܠـܟــܘܼܖܸ̈ܐ ܟـܝܵـܗܒܼــܝܼ ܥܲܝـܢܸ̈ܐ؛ ܠܫܦܝܼ̈ܠܸـــܐ ܐܲܩـܠܵــܬܸ̈ܐ        

                          ܀܀܀܀܀

     ܫـܒܼـܘܿܩــܘܿܢ ܕܲܟܼــܪܲܚ ܠــܪܘܼܚܵـــܐ ܕܪܵܒـܝܼܝܼ ܫـܘܼܢـــܝܸ̈ܐ         

     ܐܵܢـــܝܼ ܕܫܸـܪܫܵـــــܐ ܕܝܘܼܠـܦܵـܢܵــܐ ܒـܐܘܼܡــܬܲܢ ܒܸـܢــܝܸ̈ܐ        

     ܐܵܦܸـܢ ܕܐܸܕܝــܘܿܡ ܠܸـــــܐ ܝܢܵــــܐ ܒܸܝــܠܲـــܢ ܒܸـܥــܡܵــܪܵܐ

     ܟـܠ ܥـܕܵܢܵـــܐ ܠـܣــܘܼܥــܖ̈ܵܢܲܝܗܝ ܐܝܼــܬܠܲــܢ ܐܝܼܩܵــܪܵܐ

                           ܀܀܀܀܀

     ܓܵـܘ ܕܘܼܢـܝܸــܐ ܬܪܸܝــܢ ܚـܘܼܒܸ̈ܐ ܠܸـــܐ ܐ݇ܬܝܼ ܠܸܢـܫܵـܝــܬܵܐ      

     ܚـܘܼܒܵـــܐ ܕܪܵܒـــܝܼ ܥܲـܡ ܚܘܼܒܵــــܐ ܕܝܸـܡܵـــܐ ܣܵܒܼــܬܵܐ

     ܪܵܒــــܝܼ ܟܸـــــܐ ܝܵـܗܒܼܸــــܠ ܩܵــــــܬܲܢ ܝـܘܼܠــܦܵــܢܵـــــܐ

     ܚܒܵــܩܵـــܐ ܕܝܸـܡܲܢ ܡܸܠـܝܵـــܐ ܡܼܢ ܚـܘܼܒܵـــܐ ܘܚـܢܵـܢܵــــܐ        

                            ܀܀܀܀܀

     ܚܲـــܒـــــܪܝܼ ܐ݇ܚܸـــܪ݇ܢܵــــــܐ ܐܲܝـــܟܼ ܡܲــܪܬܝܵـــܢـــــܘܼܬܵܐ      

     ܩܵـــܐ ܥـܠܲܝــܡܲܢ ܕܝܼـــܢܵــܐ ܕܲܥــܬܝܼــــܕ ܕܝܼ ܐܘܼܡـــܬܵܐ

     ܐܸܢ ܒܵܥܝܼــܬܘܿܢ ܐܘܼܡـــܬܲܢ ܡܵـܛܝܵــــܐ ܠـܦـܘܼܪܩܵـܢܵـــܐ

     ܐܲܚـܟ̰ـܝܼ ܡܠܝܼـܡــܘܿܢ ܡܼܢ ܝـܘܼܠܦܵــܢܵـــܐ ܘܝܘܼܠـܦܵــܢܵـــܐ

                              ܓܝܘܪܓܝܣ ܥܝܣܐ ܚܢܝ

                                    ܐܘܪܡܝ

                                   6 ܒܐܝܪ 6760 ـ 2010