ܡܐܡܖ̈ܐ ܡܓܘܒܝܐ

ܕܓ̰ܲܒܪܵܢ ܚܲܠܝܼܠ ܓ̰ܒܪܢ

 ܦܘܫܩܐ:ܫܡܝܪܡ ܕ.ܦܘܪܝܐܢ

܀ ܫܘܼܦܪܵܐ ܠܸܐ ܝܠܸܗ ܒܐܲܦܵܐ (ܦܲܐܬܵܐ)، ܫܘܼܦܪܵܐ ܚܲܕ݇ ܒܲܗܪܵܐ ܝܠܸܗ ܓܵܘ ܠܸܒܵܐ.

܀ ܐܲܚܢܲܢ ܟܠܲܢ ܒܸܕܡܵܝܵܐ ܝܘܲܚ ܠܣܲܗܪܵܐ ܒܲܗܘܼܪܵܐ ܐܸܠܵܐ (ܐܝܼܢܵܐ) ܗܵܠܵܐ ܐܝܼܬ ܠܲܢ ܗܿܘ ܓܸܒܲܢ ܚܘܼܒܼܝܵܢܵܐ (ܚܲܫܟܵܢܵܐ).

܀ ܡܲܟܝܼܟܼܘܼܬܵܐ ܘܚܢܵܢܵܐ ܠܸܐ ܝܢܵܐ ܖ̈ܘܼܫܡܸܐ ܕܡܚܝܼܠܘܼܬܵܐ ܘܦܣܝܼܩܘܼܬ ܣܲܒܼܪܵܐ، ܐܸܠܵܐ ܓܠܝܼܚܘܼܬܵܐ (ܪܘܼܫܡܵܐ) ܝܢܵܐ ܕܚܲܝܠܵܐ ܘܫܲܦܝܘܼܬܵܐ.

܀ ܐܵܢܵܐ ܝܠܝܼܦܵܐ ܝܘܸܢ ܠܫܸܬܩܵܐ ܡܼܢ ܗܿܘ ܕܟܸܐ ܗܲܡܙܸܡ ܝܲܬܝܼܪ (ܪܵܒܵܐ) ܘܠܡܸܣܬܲܝܒܪܵܢܘܼܬܵܐ (ܚܡܲܠܬܵܐ) ܡܼܢ ܗܿܘ ܕܠܸܐ ܝܠܸܗ ܡܣܲܝܒܪܵܢܵܐ ܘܠܚܢܵܢܵܐ ܡܼܢ ܗܿܘ ܕܠܸܐ ܝܠܸܗ ܚܲܢܵܢܵܐ؛ ܘܟܡܵܐ ܕܡܝܼܪܬܵܐ (ܡܥܲܓ̰ܒܵܢܬܵܐ) ܝܠܵܗܿ ܕܗܵܠܵܐ ܡܟܲܦܲܪ ـ ܒܛܲܝܒܘܼܬܵܐ (ܠܵܐ ܛܲܥܢܵܢܵܐ ܕܡܸܢܬܵܐ) ܝܘܸܢ ܡܼܢ ܐܲܢܸ̈ܐ ܡܲܠܦܵܢܝܼ.

܀ ܐܸܢ ܓܵܠܸܬ ܠܗ݇ܘܿܢ ܐ݇ܖ̈ܵܙܘܼܟܼ ܠܦܵܘܚܵܐ، ܠܸܐ ܙܵܕܩܵܐ ܠܘܼܟܼ ܕܠܵܝܡܸܬ ܠܦܵܘܚܵܐ ܡܛܠ (ܒܘܼܬ) ܓܠܵܝܬܘܼܗܝ ܠܐܝܼܠܵܢܸ̈ܐ.

܀ ܚܲܒܼܪܘܼܬܵܐ ܥܲܡ ܣܲܟܼܠܵܐ، ܣܲܟܼܠܘܼܬܵܐ ܝܠܵܗܿ ܒܲܕܡܘܼܬ ܕܪܵܫܬܵܐ ܥܲܡ ܚܲܕ݇ ܪܵܘܵܝܵܐ.

܀ ܚܲܟܝܼܡܵܐ ܒܸܦܣܵܥܵܐ ܝܠܸܗ ܒܡܲܫܥܵܠܵܐ ܕܝܘܼܠܦܵܢܵܐ ܘܚܸܟܼܡܬܵܐ، ܘܒܲܗܪܘܼܢܸܐ ܝܠܸܗ ܠܫܒܼܝܼܠܵܐ ܕܐ݇ܢܵܫܘܼܬܵܐ.

܀ ܚܲܕ݇ ܝܘܼܠܦܵܢܵܐ ܩܲܠܝܼܠܵܐ ܘܡܲܥܒܼܕܵܢܵܐ ܒܸܫ ܛܝܼܡܵܢܵܐ ܝܠܸܗ ܡܼܢ ܗܿܘ ܝܘܼܠܦܵܢܵܐ ܪܲܒܵܐ ܐܸܠܸܐ (ܐܝܼܢܵܐ) ܒܲܛܝܼܠܵܐ (ܣܪܝܼܩܵܐ).

܀ ܒܥܸܠܕܒܼܵܒܼܝܼ ܐ݇ܡܸܪܸܗ ܩܵܠܝܼ: ܡܲܚܸܒ ܠܒܥܸܠܕܒܼܵܒܼܘܼܟܼ. ܐܵܢܵܐ ܕܸܢܝܼ (ܫܠܸܡܠܝܼ) ܘܫܢܝܼܓܼܠܝܼ (ܥܫܸܩܠܝܼ) ܠܓܵܢܝܼ.

܀ ܐܝܼܬ ܐܲܪܒܥܵܐ ܚܲܣܝܼܖ̈ܵܬܸܐ (ܕܝܼܠܵܝܵܬܸ̈ܐ ܟܘܼܦܸ̈ܐ) ܕܘܵܠܸܐ ܝܠܵܗܿ ܕܚܲܕ݇ ܡܲܠܟܵܐ ܡܲܪܚܸܩܠܗ݇ܘܿܢ ܡܼܢ ܐܲܬܪܘܼܗܝ: ܪܘܼܓܼܙܵܐ (ܟܲܪܒܵܐ)؛ ܒܲܥܝܼܪܘܼܬܵܐ (ܩܲܪܣܘܼܬܵܐ)؛ ܟܸܕܒܼܵܐ (ܕܘܼܓܠܸ̈ܐ) ܘܩܲܠܘܼܛܘܼܬܵܐ(ܛܲܡܲܥܟܵܪܘܼܬܵܐ).

܀ ܕܟܼܘܿܪ ܕܚܲܕ݇ ܟܸܐܢܵܐ ܒܸܫ ܙܵܘܕܵܐ ܒܸܕ ܡܐܲܠܸܨ (ܓ̰ܲܢܓ̰ܸܪ) ܠܣܵܛܵܢܵܐ ܗܲܠ ܚܲܕ݇ ܡܝܼܠܝܘܿܢ ܡܗܲܝܡܢܸ̈ܐ ܣܲܡܝܸ̈ܐ (ܒܠܸܒܵܐ).

܀ ܐܵܢܝܼ ܒܸܚܫܵܒܼܝܼ ܝܢܵܐ ܫܸܐܕܵܢܵܐ ܒܗܿܝ ܕܠܸܐ ܙܲܒܢܸܢ ܝܵܘܡܵܢܝܼ ܚܠܵܦ ܕܲܗܒܼܵܐ ܘܐܵܢܵܐ ܒܸܚܫܵܒܼܲܝܗܝ ܝܘܸܢ ܫܸܐܕܵܢܸ̈ܐ ܒܗܿܝ ܕܒܸܚܫܵܒܼܵܐ ܝܢܵܐ ܕܝܵܘܡܵܢܝܼ ܛܝܼܡܵܢܸ̈ܐ ܝܢܵܐ.

܀ ܫܸܢܓܼܵܐ (ܚܘܼܒܵܐ) ܕܠܵܐ ܗܵܘܸܐ ܬܚܘܿܬ ܡܫܲܠܛܵܢܘܼܬܵܐ ܕܗܵܘܢܵܐ، ܚܲܕ݇ ܓܵܘܙܲܠܬܵܐ )ܫܲܠܗܵܒܼܝܼܬܵܐ، ܠܲܗܛܵܐ) ܝܠܸܗ ܕܒܸܕ ܡܲܩܸܕ ܘܡܵܘܒܸܕ (نابود می‌کند) ܠܓܵܢܸܗ.

܀ ܝܲܠܝܼܦܘܼܬܵܐ ܗܿܘ ܡܵܡܘܿܢܵܐ (سرمایه) ܝܠܸܗ ܕܛܵܠܘܿܡܸ̈ܐ ܠܸܐ ܡܵܨܝܼ ܕܡܫܵܒܼܝܼ (ܣܵܠܒܝܼ) ܠܸܗ.

܀ ܝܲܩܝܼܪܘܼܬܵܐ (متانت)ܚܕܵܐ ܡܲܛܵܠܵܐ ܝܠܵܗܿ ܚܲܝܠܬܵܢܝܼܬܵܐ ܒܲܪܩܘܼܒܼܠ ܓܲܫܲܩܝܵܬܸ̈ܐ ܕܚܲܕ݇ ܡܛܲܢܦܵܐ (ܓܸܕܝܵܐ، ܫܘܼܚܬܵܢܵܐ).

܀ ܡܲܚܸܒ، ܐܝܼܢܵܐ ܠܵܐ ܥܒܼܘܿܕܠܸܗ ܚܘܼܒܵܐ ܚܕܵܐ ܫܸܫܸܠܬܵܐ.

܀ ܐ݇ܢܵܫܸ̈ܐ ܛܵܒܼܸ̈ܐ ܐܵܢܝܼ ܝܢܵܐ ܕܟܲܕ ܚܵܩܪܸܬܠܗ݇ܘܿܢ ܢܵܟܼܦܝܼ ܘܟܲܕ ܓܵܕܦܸܬ (ܨܵܥܪܸܬ) ܠܗ݇ܘܿܢ ܫܵܬܩܝܼ.

܀ ܩܵܘܡܵܐ ܕܢܵܫܸܬܠܸܗ ܗܿܘ ܕܓܚܸܟܠܘܼܟܼ ܥܲܡܸܗ، ܐܝܼܢܵܐ ܣܵܟܼ (ܗܝܼܟ̰) ܠܸܐ ܢܵܫܸܬ ܠܗܿܘ ܕܒܟܼܸܐܠܘܼܟܼ ܥܲܡܸܗ.

܀ ܚܲܒܼܪܘܼܬܵܐ ܚܕܵܐ ܡܸܫܬܲܐܠܵܢܘܼܬܵܐ ܚܠܝܼܬܵܐ ܝܠܵܗܿ ܒܟܠ ܙܲܒܼܢܵܐ ܘܠܵܐ ܚܕܵܐ ܥܲܗܢܘܼܬܵܐ (ܦܸܪܨܲܬ).

܀ ܐܝܼܡܲܢ ܕܚܘܼܒܵܐ ܒܸܪܡܵܙܵܐ ܝܠܸܗ ܥܲܠܘܼܟܼ، ܡܥܲܩܸܒܼ ܠܸܗ (ܪܚܘܿܫ ܒܵܬ݇ܪܸܗ) ܐܵܦܸܢ ܕܫܒܼܝܼܠܘܼܗܝ ܥܲܣܩܵܐ ܘܒܲܢܓܵܐ (ܟ̰ܲܡܟ̰ܲܡܵܐ، ܕܘܼܟܵܐ ܕܢܦܵܠܬܵܐ) ܗܵܘܸܐ.

܀ ܬܲܟܠܵܐ ܕܗܵܘܸܢ ܗ݇ܘܵܐ ܚܲܕ݇ ܒܸܐܪܵܐ ܒܲܪܘܼܙܵܐ ܘܐ݇ܢܵܫܸ̈ܐ ܪܲܦܝܼ ܗ݇ܘܵܘ ܟܸܐܦܸ̈ܐ ܒܓܵܘܝܼ، ܒܗܿܝ ܕܒܸܫ ܕܠܝܼܠܬܵܐ ܝܠܵܗܿ ܡܼܢ ܕܗܵܘܹܝܢ ܚܕܵܐ ܥܲܝܢܵܐ ܡܠܝܼܬܵܐ ܡܼܢ ܡܝܼܵ̈ܐ ܟܲܕ ܨܲܗܝܸ̈ܐ ܥܵܒܼܖ̈ܝܼ ܡܼܢ ܩܘܼܪܒܝܼ ܘܥܵܪܩܝܼ ܡܼܢ ܫܬܵܝܵܐ.

܀ ܗܿܘ ܡܸܢܕܝܼ ܟ̰ܸܡ ܡܲܪܝܼܪܵܐ ܒܚܲܫܵܐ ܕܐܸܕܝܘܿܡܵܢܲܢ، ܕܟܼܵܪܵܐ ܝܠܸܗ ܕܚܲܕܘܼܬܵܐ ܕܐܸܬܡܵܠܲܢ.

܀ ܒܲܪܢܵܫܘܼܬܵܐ ܚܕܵܐ ܢܲܗܪܵܐ ܝܠܵܗܿ ܕܒܲܗܪܵܐ ܕܒܸܫܦܵܟܼܵܐ ܝܠܵܗܿ ܡܼܢ ܒܪܵܫܝܼܬ ܠܓܸܒ ܡܬܵܘܡܵܝܘܼܬܵܐ (ܐܲܒܲܕܘܼܬܵܐ).

܀ ܚܸܐܪܘܼܬܵܐ ܕܟܠ ܚܲܕ݇ ܕܒܸܚܬܵܪܵܐ ܝܠܸܗ ܒܝܘܼܗܿ، ܥܲܒܼܕܘܼܬܵܐ ܝܠܵܗܿ.

܀ ܐܝܼܡܲܢ ܕܚܲܕ݇ ܚܲܒܪܵܐ ܚܸܕܝܵܐ ܦܠܵܛܵܐ ܝܠܸܗ ܡܼܢ ܦܘܼܡܵܐ، ܡܲܩܪܘܼܒܼܲܢ ܝܠܸܗ ܛܘܼܒܼܵܢܘܼܬܵܐ ܘܥܘܼܬܪܵܐ.