ܣܦܪܝܘܬܐܕܫܒܼܖ̈ܐ

ܩܲܖ̈ܝܵܢܸܐ ܡܘܼܚܸܒܸ̈ܐ ܗܵܕܟܼܵܐ ܩܛܸܥܠܲܢ ܒܪܸܥܝܵܢܲܢ ܕܡܲܙܝܸܕܲܚ ܠܚܲܕ݇ ܣܲܗܡܵܐ ܚܲܕ݇ܬܵܐ ܠܡܓܼܲܠܬܲܢ ܒܐܵܗܵܐ ܢܝܼܫܵܐ ܕܛܲܒܼܥܲܚ ܠܚܲܕ݇ܟܡܵܐ ܡܘܼܫܚܵܬܸ̈ܐ ܘܗܲܩܝܵܬܸ̈ܐ ܩܵܐ  ܐܲܒܼܵܗܸ̈ܐ ܡܵܖ̈ܲܝ ܚܘܼܒܵܐ ܕܠܸܫܵܢܵܐ ܝܸܡܵܝܵܐ، ܗܵܕܟܼܵܐ ܕܩܵܪܝܼ ܘܡܲܦܠܸܚܝܼ ܠܗ݇ܘܿܢ ܩܵܐ ܡܲܠܲܦܬܵܐ ܕܠܸܫܵܢܵܐ ܐܵܬܘܼܪܵܝܵܐ ܩܵܐ ܫܲܒܼܖ̈ܲܝܗܝ. ܒܣܲܒܼܪܵܐ ܝܘܲܚ ܕܐܵܗܵܐ ܦܵܨܘܿܥܬܵܐ ܗܵܘܝܵܐ ܡܲܢܬܝܼܵܢܬܵܐ. ܒܐܵܗܵܐ ܡܸܢܝܵܢܵܐ ܡܲܩܪܘܼܒܼܸܐ ܝܘܲܚ ܠܚܕܵܐ ܗܘܼܩܝܼܬܵܐ ܡܼܢ ܣܝܵܡܸ̈ܐ ܕܡܝܲܩܲܪܬܵܐ ܕܵܟܬܸܪ ܡܵܕܠܹܝܢ ܕܹܝܒܼܝܼܣ ܕܦܝܼܫܬܵܐ ܝܠܵܗܿ ܛܒܼܝܼܥܬܵܐ ܒܝܲܕ ܡܲܛܒܼܲܥܬܵܐ ܕܠܘܼܠܘܼ. ܒܸܛܥܵܢܵܐ ܝܘܲܚ ܡܸܢܬܵܐ ܡܼܢ ܕܵܟܬܸܪ ܡܵܕܠܹܝܢ ܘܒܸܛܠܵܒܵܐ ܝܘܲܚ ܫܘܼܘܫܵܛܵܐ ܩܵܬܘܼܗܿ ܒܚܲܩܠܵܐ ܕܦܘܼܠܚܵܢܘܼܗܿ ܐܘܼܡܬܵܢܵܝܵܐ.

 

ܐܝܼܬ ܗ݇ܘܵܘ ܠܲܝܬ ܗ݇ܘܵܘ ܡܲܬܸܠܝܵܬܸ̈ܐ

ܛܲܥܘܼܝܹܐ ܒܵܬ݇ܪ ܐܵܬܘܵܬܹ̈ܐ

ܛܠܝܼܩܹ̈ܐ

ܡܲܬܸܠܬܵܐ ܒܝܲܕ: ܡܵܕܠܵܝܢ ܕܵܝܒ݂ܝܼܣ

ܡܘܼܩܪܸܒ݂ܬܵܐ ܠܐܝܼܩܵܪܵܐ ܕܪܵܒܝܼ

ܕܵܢܝܼܐܹܝܠ ܕܵܘܝܼܕ ܕܒܹܝܬ ܒܸܢܝܵܡܹܝܢ

ܡܲܠܦܵܢܵܐ ܐܵܬܘܿܪܵܝܵܐ ܓܲܢ݇ܒܵܪܵܐ

ܐܵܕܵܪ 2012

ܐܝܼܬ ܗ݇ܘܵܐ ܠܲܝܬ ܗ݇ܘܵܐ...

ܐܝܼܬ ܗ݇ܘܵܐ ܚܲܕ݇ ܝܵܠܘܿܦܵܐ ܗܵܘܢܵܢܵܐ ܘܚܦܝܼܛܵܐ ܫܸܡܹܗ ܪܵܡܵܢ. ܗ̇ܘ ܐܲܡܝܼܢܵܐܝܼܬ ܟܹܐ ܡܲܨܝܸܬ ܗ݇ܘܵܐ ܠܡܲܠܦܵܢܝܼܬܹܗ.

ܚܲܕ݇ ܝܵܘܡܵܐ ܡܲܠܦܵܢܝܼܬܵܐ ܕܪܵܡܵܢ ܐ݇ܡܸܪܵܗ̇ ܕܐܝܼܬ ܚܲܫܚܵܬܹ̈ܐ¹ ܒܐܵܬܘܵܬܹ̈ܐ ܛܠܝܼܩܸ̈ܐ ܕܐܵܢܲܢܩܵܝܬܵܐ ܝ݇ܠܵܗ̇ ܕܛܲܥܝܼ ܒܵܬ݇ܪܵܝ ܘܝܵܕܥܝܼ ܕܐܲܝܢܝܼ ܝ݇ܢܵܐ.

____________________

1  ܚܲܫܚܵܬܹ̈ܐ،  ܗܸܡܸܙܡܵܢܹ̈ܐ     Words   Mots                                  

ܗ̇ܝ ܐ݇ܡܸܪܵܗ̇:

"ܐܝܼܡܲܢ ܕܐ݇ܡܵܪܵܐ² ܝ݇ܘܲܚ، ܐ݇ܬܵܝܵܐ ܝ݇ܘܲܚ ܝܲܢ ܐ݇ܙܵܠܵܐ ܝ݇ܘܲܚ ܛܲܠܘܼܩܸܐ ܝܘܲܚ ܠܐܵܠܲܦ ܘܠܝܘܿܕ.

 ____________________

2  ܚܙܹܝܡܘܿܢ ܠܢܘܼܗܵܪܵܐ ܠܐܲܒ݂ܵܗܹ̈ܐ ܘܠܡܲܠܦܵܢܸ̈ܐ ܒܦܵܬܵܐ 4 .

ܪܵܡܵܢ ܐ݇ܙܸܠܹܗ ܒܵܬ݇ܪ ܬܲܪܥܵܐ ܕܚܵܙܹܐ ܠܬܵܘ ܛܠܝܼܩܬܵܐ. ܗ̇ܘ ܓܘܼܫܸܩܠܹܗ ܩܲܕ݇ܡ ܬܲܪܥܵܐ ܐܝܼܢܵܐ ܠܵܐ ܚܙܹܐ ܠܹܗ ܠܕܵܠܲܬ ܛܠܝܼܩܬܵܐ.

ܪܵܡܵܢ ܐܵܦ ܓܘܼܫܸܩܠܹܗ ܠܒܵܬ݇ܪܵܝ ܘܠܩܲܕ݇ܡܵܝ ܐܝܼܢܵܐ ܠܲܝܬ ܗ݇ܘܵܘ ܬܵܘ ܘܕܵܠܲܬ ܛܠܝܼܩܹ̈ܐ.

ܝܼܩܵܕܵܐ ܗ݇ܘܵܐ ܠܸܒܵܐ ܕܪܵܡܵܢ ܡ̣ܢ ܟܠܵܝ ܒܘܼܫ ܙܵܘܕܵܐ ܠܚܲܕ݇ ܝܵܠܵܐ ܐ݇ܚܸܪ݇ܢܵܐ ܕܗ̇ܘ ܐ݇ܚܵܪܵܝܵܐ ܗ݇ܘܵܐ ܓܵܘ ܒܹܝܬ ـ ܝܘܼܠܦܵܢܵܐ ܘܛܘܼܠܩܵܐ ܗ݇ܘܵܐ ܠܐܲܪܒܲܥ ܐܵܬܘܵܬܹ̈ܐ: ܕܵܠܲܬ، ܐܵܠܲܦ، ܪܹܝܫ ܘܗܹܐ.

ܪܵܡܵܢ ܩܘܼܘܸܠܹܗ ܕܒܸܕ ܗܲܝܸܪܹܗ ܕܛܲܥܹܐ ܒܵܬ݇ܪܵܝ.

ܪܗܸܛܠܹܗ ܪܵܡܵܢ ܠܟܸܣ ܢܵܛܘܿܪܵܐ ܕܡܕܝܼܢ݇ܬܵܐ ܘܒܘܼܩܸܪܹܗ ܐܸܢ ܗ̇ܘ ܚܸܙܝܵܐ ܠܹܗ ܠܢܘܼܢ ܕܛܠܝܼܩܬܵܐ ܗ݇ܘܵܐ ܒܲܡܕܝܼܢ݇ܬܵܐ.

ܘܡܘܼܕܥܹܐ ܠܹܗ ܪܵܡܵܢ ܠܢܵܛܘܿܪܵܐ ܕܡܕܝܼܢ݇ܬܵܐ ܘܒܘܼܩܸܪܸܗ ܐܸܢ ܗܿܘ ܚܸܙܝܵܐ ܝܠܸܗ ܠܢܘܿܢ ܕܛܠܝܼܩܬܵܐ ܗ݇ܘܵܐ ܒܡܕܝܼܢ݇ܬܵܐ. ܘܡܘܼܕܥܸܠܸܗ ܪܵܡܵܢ ܠܢܵܛܘܿܪܵܐ ܕܐܝܼܬ ܚܲܕ݇ ܓܲܢܵܒ݂ܵܐ ܡܫܲܡܗܵܐ: ܗ̇ܘ ܕܓܢܝܼܒ݂ܵܐ ܗ݇ܘܵܐ ܠܢܘܼܢ ܕܫܹܢ݇ܬܵܐ ܐܝܼܡܲܢ ܕܗ̇ܝ ܥܒ݂ܝܼܪܬܵܐ ܗ݇ܘܵܐ ܒܫܸܢܬܵܐ ܘܲܛܠܝܼܥܬܵܐ.

ܘܐܵܕܝܼܵܐ ܡܸܢ݇ܕܪܸܫ݇ ܒܵܥܹܐ ܗ݇ܘܵܐ ܓܲܢܵܒ݂ܵܐ ܕܓܵܢܸܒ݂ ܠܚܲܕ݇ ܡܸܢܕܝܼ ܛܝܼܡܵܢܵܐ. ܐܝܼܢܵܐ ܠܹܐ ܗ݇ܘܵܐ ܝܼܕܵܥܵܐ ܪܵܡܵܢ ܐܲܝܟܵܐ ܛܲܥܹܐ ܒܵܬ݇ܪ ܢܘܼܢ ܘܫܝܼܢ ܛܠܝܼܩܹ̈ܐ ܕܡܸܢ݇ܕܪܸܫ݇.

ܫܡܝܼܥܵܐ ܗ݇ܘܵܐ ܪܵܡܵܢ ܕܓܲܢܵܒ݂ܵܐ ܒܵܥܹܐ ܕܓܵܢܹܒ݂ ܠܐܵܠܲܦ ܛܠܝܼܩܬܵܐ ܡܥܲܠ ܐ݇ܓܵܖ̈ܵܘܵܬܹܐ ܕܒܵܬܹ̈ܐ.

ܐ݇ܡܸܪܹܗ ܐܸܠܹܗ ܢܵܛܘܿܪܵܐ: " ܠܵܐ ܙܵܕܥܸܬ. ܐܵܢܵܐ ܒܸܕ ܝܵܕܥܹܢ ܐܲܝܟܵܐ ܛܘܼܫܝܘܼܗ̇ ܝ݇ܠܹܗ ܓܲܢܵܒ݂ܵܐ ܓܵܢܹܗ: ܒܗ̇ܝ ܕܐܝܼܡܲܢ ܕܥܪܵܩܵܐ ܝ݇ܠܹܗ ܓܲܢܵܒ݂ܵܐ ܛܲܠܘܼܩܹܐ ܝ݇ܠܹܗ ܠܝܘܿܕ ܘܫܒ݂ܵܩܵܐ ܝ݇ܠܹܗ ܫܵܘܦܵܐ ܕܐܲܩܠܵܐ."

ܚܙܹܐ ܠܹܗ ܪܵܡܵܢ ܠܚܲܕ݇ ܚܵܙܘܿܩܵܐ: ܟܲܕ ܗ̇ܘ ܝܬܝܼܒ݂ܵܐ ܗ݇ܘܵܐ ܘܐ݇ܙܵܠܵܐ  ܒܩܲܛܵܪܵܐ ܛܲܠܘܼܩܹܐ ܗ݇ܘܵܐ ܠܐܵܬܘܵܬܹ̈ܐ ܗܹܐ ܘܐܵܠܲܦ.

ܒܗ̇ܘ ܝܵܘܡܵܐ ܐܝܼܬ ܗ݇ܘܵܘ ܪܵܒܵܐ ܐܲܙܵܠ݇ܢܹ̈ܐ ܘܐܲܬܝܵܢܹ̈ܐ: ܘܙܕܝܼܥܠܹܗ ܪܵܡܵܢ ܕܕܲܫܕܸܫܝܼ ܠܹܗ ܬܚܘܿܬ ܐܲܩܠܵܬܵܝ̈ ܐܸܢ ܗ̇ܘ ܥܲܪܩܸܠ ܛܲܥܘܼܝܹܐ ܒܵܬ݇ܪ ܠܵܡܲܕ ܛܠܝܼܩܬܵܐ ܕܐܲܙܵܠ݇ܢܹ̈ܐ.

ܐ݇ܙܸܠܹܗ ܪܵܡܵܢ ܠܕܲܫܬܵܐ ܘܠܵܐ ܬܦܝܼܩܠܹܗ  ܒܐܵܦܠܵܐ ܚܲܕ݇ ܐ݇ܢܵܫܵܐ ܕܡܲܚܙܹܐ ܠܐܵܠܲܦ ܛܠܝܼܩܬܵܐ.

ܒܡܲܪܓܵܐ ܗ̇ܘ ܚܙܹܐ ܠܹܗ ܠܚܲܕ݇ ܬܵܘܪܵܐ ܚܲܝܠܵܢܵܐ. ܠܵܐ ܩܘܼܫ̰ܕܸܪܹܗ ܪܵܡܵܢ ܕܩܲܪܒܸܢ ܐܸܠܹܗ ܕܓܲܫܸܩ ܐܲܝܟܵܐ ܝ݇ܠܵܗ̇ ܪܹܫ ܛܠܝܼܩܬܵܐ ܓܵܘ ܩܲܪ݇ܢܹܗ.

ܪܵܡܵܢ ܐܵܦ ܠܹܐ ܗ݇ܘܵܐ ܠܒ݂ܝܼܒ݂ܵܐ ܘܙܪܝܼܙܵܐ ܕܒܲܠܒܹܐ ܗ݇ܘܵܐ ܒܵܬ݇ܪ ܪܹܝܫ ܛܠܝܼܩܬܵܐ ܓܵܘ ܟܲܪ݇ܣܵܐ ܓܘܼܪܬܵܐ ܕܬܘܿܪܬܵܐ ܛܪܝܼܣܬܵܐ.

ܒܗ̇ܘ ܪܲܡܫܵܐ ܟܲܕ ܪܵܡܵܢ ܐ݇ܟ݂ܵܠܵܐ ܗ݇ܘܵܐ ܐ݇ܟ݂ܵܠܪܲܡܫܵܐ: ܩܘܼܪܸܨܠܹܗ ܥܘܼܡܨܹܗ³ ܓܵܘ ܒܵܠܘܿܥܬܹܗ ܒܗ̇ܝ ܕܸܕܟ݂ܸܪܹܗ ܕܐܝܼܬ ܬܲܪܬܹܝܢ ܐܵܠܲܦܹ̈ܐ ܘܚܕܵܐ ܗܹܐ ܛܠܝܼܩܹ̈ܐ ܕܗܲܕ ܠܹܐ ܗ݇ܘܵܐ ܝܼܕܵܥܵܐ ܐܲܝܟܵܐ ܝ݇ܢܵܐ.

ܬܘܼܚܡܸܢܹܗ: " ܠܵܐ ܗܵܘܝܵܐ ܕܗܵܘܸܢ ܒܠܝܼܥܵܐ ܠܐܲܢܹܐ ܐܵܬܘܵܬܹ̈ܐ؟"

ܒܵܒܵܐ ܕܪܵܡܵܢ ܚܲܕ݇ ܐ݇ܢܵܫܵܐ ܛܵܒ݂ܵܐ ܘܓܲܢ݇ܒܵܪܵܐ ܗ݇ܘܵܐ. ܗ̇ܘ ܡܘܼܚܙܹܐ ܠܹܗ ܠܪܵܡܵܢ  ܐܲܝܟܵܐ ܝ݇ܢܵܐ ܕܵܠܲܬ ܛܠܝܼܩܬܵܐ ܕܚܲܕ݇: ܐܵܠܲܦ ܛܠܝܼܩܬܵܐ ܕܐ݇ܢܵܫܵܐ: ܗܹܐ ܛܠܝܼܩܬܵܐ ܕܗ݇ܘܵܐ ܘܢܘܼܢ ܛܠܝܼܩܬܵܐ ܕܓܲܢ݇ܒܵܪܵܐ.

____________________

3   ܥܘܼܡܨܵܐ،      ܬܹܟܵܐ        Bouchée Morcel       

ܐܝܼܢܵܐ ܗ̇ܘ ܢܘܼܩܙܵܐ ܒܘܼܫ ܡܲܬܗ̱ܪܵܢܵܐ⁴ ܝܼܗ݇ܘܵܐ ܕܡܲܠܦܵܢܝܼܬܵܐ ܐ݇ܡܝܼܪܬܵܐ ܗ݇ܘܵܐ:  "ܡܲܫ݇ܟ̰ܲܚܬܵܐ ܐܝܼܬ ܠܵܗ̇ ܛܲܠܲܩܬܵܐ."

ܬܘܼܚܡܸܢܹܗ ܪܵܡܵܢ ܕܐܵܗܵܐ ܫܪܵܪܵܐ ܝܼܕܝܼܥܵܐ ܝ݇ܠܹܗ: ܕܐܵܦ ܐܵܢܝܼ ܒܘܼܫ ܝ݇ܠܝܼܦܹ̈ܐ ܕܐܵܗܵܐ ܕܵܪܵܐ ܠܹܐ ܡܵܨܝܼ ܕܦܲܪܡܝܼ ܠܐܵܗܵܐ ܢܘܼܩܙܵܐ ܕܡܝܼܪܵܐ⁵ ܐܵܦܸܢ ܕܡܲܫ݇ܟ̰ܚܝܼ ܠܝܘܿܕ ܘܠܫܝܼܢ ܛܠܝܼܩܹ̈ܐ.

____________________

4 ܡܲܬܗ̱ܪܵܢܵܐ: ܡܲܥܓ̰ܸܒܵܢܵܐConfusing,                     Confounding            Stupéfiant, Accablant       

Astonishing       Étrange, Bizarre   

       5 ܕܡܝܼܪܵܐ: ܡܥܲܓ̰ܒܵܢܵܐ