ܚܕܐ ܗܘܩܝܬܐ ܟܪܝܬܐ

ܘܝܘܠܝܬ ܣܪܓܝܙܝ

   ܝܸܡܝܼ ܚܕܵܐ ܒܲܟܼܬܵܐ ܗ݇ܘܵܐ ܡܵܪܵܐ ܕܨܘܿܗܒܲܬ (ܥܸܢܝܵܢܵܐ). ܟܸܐ ܝܵܕܥܵܐ ܗ݇ܘܵܐ ܪܵܒܵܐ ܡܲܬܠܸ̈ܐ ܘܗܲܩܝܲܬܸ̈ܐ ܕܟܸܐ ܡܲܦܠܸܚܵܐ ܗ݇ܘܵܐܠܗ݇ܘܿܢ ܒܚܕܵܐ ܥܕܵܢܵܐ ܠܵܚܘܿܡܬܵܐ.    

   ܚܲܕ݇ ܝܵܘܡܵܐ ܟܲܕ ܝܬܝܼܒܼܸ̈ܐ ܝܘܲܚ ܗ݇ܘܵܐ ܓܵܘ ܒܲܝܬܵܐ ܠܚܲܕܸܪܘܵܢܸܐ ܕܐܘܼܕܵܠܸܐ ܘܗܲܡܙܘܼܡܸܐ ܝܘܲܚ ܗ݇ܘܵܐ ܒܘܼܬ ܗܲܝܡܵܢܘܼܬܵܐ ܘܚܘܼܒܵܐ ܕܐܲܠܵܗܵܐ، ܫܘܼܪܸܐܠܵܗܿ ܗܲܩܘܼܝܸܐ ܠܚܕܵܐ ܡܼܢ ܐܵܢܝܼ ܗܲܩܝܲܬܘܼܗܿ ܒܲܣܝܼܡܸ̈ܐ ܘܗܵܕܟܼܵܐ ܐ݇ܡܸܪܵܗܿ:                          

   ـ ܓܵܘ ܡܵܬܲܝܢܝܼ ܐܝܼܬ ܗ݇ܘܵܐ ܚܲܕ݇ ܩܵܫܵܐ ܡܗܘܼܡܢܵܐ ܕܟܠ ܪܲܡܫܵܐ ܟܸܐ ܐܵܙܸܠ ܗ݇ܘܵܐ ܠܥܘܼܡܪܵܐ ܩܵܐ ܨܲܠܲܝܬܵܐ ܕܨܠܘܼܬܵܐ. ܚܲܕ݇ ܝܵܘܡܵܐ ܒܥܕܵܢܵܐ ܕܕܝܵܪܬܵܐ ܡܼܢ ܥܘܼܡܪܵܐ ܟܲܕ ܕܘܼܢܝܸܐ ܚܘܼܫܟܸܢܬܵܐ ܗ݇ܘܵܐ ܘܐܘܼܪܚܵܐ ܠܸܐ ܗ݇ܘܵܐ ܡܲܒܝܘܼܢܸܐ، ܒܸܢܦܵܠܵܐ ܝܠܸܗ ܓܵܘ ܚܲܕ݇ ܩܘܼܢܝܵܐ ܒܗܿܝ ܕܕܵܐܟܼܝܼ ܕܟܠܲܢ ܟܸܐ ܝܵܕܥܲܚ ܒܗܿܘ ܙܲܒܼܢܵܐ ܡܵܬܘܵܬܸ̈ܐ ܠܲܝܬ ܗ݇ܘܵܘ ܠܗ݇ܘܿܢ ܒܸܪܩܵܐ ܘܐܘܼܖ̈ܚܵܬܸܐ ܟܸܐ ܗܵܘܝܼ ܗ݇ܘܵܘ ܚܸܫܟܵܢܸ̈ܐ.                            

   ܒܵܬ݇ܪ ܢܦܵܠܬܵܐ ܓܵܘ ܩܘܼܢܝܵܐ ܟܡܵܐ ܕܟ̰ܲܠܘܼܫܸܐ ܝܠܸܗ ܠܸܐ ܝܠܸܗ ܡܨܵܝܵܐ ܕܦܵܠܸܛ ܡܼܢ ܓܵܘܸܗ ܘܟܡܵܐ ܕܒܸܕܪܵܝܵܐ ܝܠܸܗ ܩܵܠܸ̈ܐ ܟ̰ܘܼ ܚܲܕ݇ ܐ݇ܢܵܫܵܐ ܠܸܐ ܝܠܸܗ ܒܸܫܡܵܥܘܼܗܝ ܩܵܠܘܼܗܝ ܒܗܿܝ ܕܒܡܵܬܘܵܬܸ̈ܐ ܥܵܠܡܵܐ ܪܵܒܵܐ ܓ̰ܲܠܕܸܐ ܟܸܐ ܐܵܙܸܠ ܗ݇ܘܵܐ ܠܒܲܝܬܵܐ ܘܒܗܿܝ ܥܕܵܢܵܐ ܠܲܝܬ ܗ݇ܘܵܐ ܟ̰ܘܼ ܚܲܕ݇ ܕܫܵܡܸܥ ܗ݇ܘܵܐܠܸܗ ܩܵܠܘܼܗܝ.                

   ܗܵܕܟܼܵܐ ܩܵܫܵܐ ܦܝܵܫܵܐ ܝܠܸܗ ܥܸܨܝܵܐ ܕܦܵܐܸܫ ܓܵܘ ܩܘܼܢܝܵܐ ܗܲܠ ܦܪܵܚܬܵܐ ܕܕܸܢܚܵܐ ܘܗܿܝܓܵܗ ܡܸܢ݇ܕܪܸܫ݇ ܒܸܕܪܵܝܵܐ ܝܠܸܗ ܩܵܠܸ̈ܐ ܘܒܸܛܠܵܒܵܐ ܝܠܸܗ ܗܲܝܲܪܬܵܐ ܒܗܿܝ ܕܐܲܟܵܖܸ̈ܐ ܒܩܲܝܕܵܡܬܵܐ ܓ̰ܲܠܕܸܐ ܟܸܐ ܐܵܙܠ݇ܝܼ ܠܕܸܫܬܵܐ ܩܵܐ ܦܘܼܠܚܵܢܵܐ.                         

   ܒܵܬ݇ܪ ܕܪܵܝܬܵܐ ܕܚܲܕ݇ ܬܪܸܝܢ ܩܵܠܸ̈ܐ، ܒܸܫܡܵܥܵܐ ܝܠܸܗ ܠܩܵܠܵܐ ܕܐ݇ܢܵܫܸ̈ܐ ܘܒܸܐܬܵܝܵܐ ܘܦܲܠܘܼܛܘܼܗܝ ܝܢܵܐ ܡܼܢ ܓܵܘ ܩܘܼܢܝܵܐ ܘܒܸܐܙܵܠܵܐ ܝܠܸܗ ܠܒܲܝܬܘܼܗܝ. ܐܝܼܢܵܐ ܟܲܕ ܥܒܼܵܪܵܐ ܝܠܸܗܒܸܚܙܵܝܵܐ ܝܠܸܗ ܕܓܸܢܵܒܼܵܐ ܡܸܚܝܵܐ ܝܠܸܗ ܥܲܠ ܒܲܝܬܘܼܗܝ.            

   ܩܵܫܵܐ ܦܝܵܫܵܐ ܝܠܸܗ ܒܕܘܼܡܵܪܵܐ ܘܗܲܪ ܒܗܿܝ ܥܕܵܢܵܐ ܒܪܵܟܵܐ ܝܠܸܗ ܠܐܲܪܥܵܐ ܘܫܲܟܘܼܪܸܐ ܝܠܸܗ ܠܡܵܪܝܵܐ ܘܐ݇ܡܵܪܵܐ ܝܠܸܗ: ـ ܝܵܐ ܡܵܪܝܼ ܟܡܵܐ ܫܘܼܓܼ݇ܠܵܢܘܼܟܼ ܫܲܦܝܼܖܸ̈ܐ ܘܣܲܪܲܣܬ ܝܢܵܐ! ܐܸܢ ܐܵܢܵܐ ܬܸܡܲܠ ܥܵܨܸܪܬܵܐ ܗܵܘܸܝܢ ܗ݇ܘܵܐ ܓܵܘ ܒܲܝܬܵܐ ܕܠܵܐ ܫܸܟ ܒܸܕ ܦܵܝܫܸܢ ܗ݇ܘܵܐ ܩܛܝܼܠܵܐ ܐܝܼܢܵܐ ܐܲܢ݇ܬ ܦܵܪܘܿܩܝܼ ܩܵܡ ܕܵܪܸܬܠܝܼ ܓܵܘ ܩܘܼܢܝܵܐ ܩܲܕ ܒܘܼܫ ܙܵܘܕܵܐ ܪܵܥܫܸܢ ܒܘܼܬ ܥܵܓ̰ܸܒܘܼܝܵܬܘܼܟܼ.                                           

ܘܝܘܠܝܬ ܣܪܓܝܙܝ

   ܝܸܡܝܼ ܚܕܵܐ ܒܲܟܼܬܵܐ ܗ݇ܘܵܐ ܡܵܪܵܐ ܕܨܘܿܗܒܲܬ (ܥܸܢܝܵܢܵܐ). ܟܸܐ ܝܵܕܥܵܐ ܗ݇ܘܵܐ ܪܵܒܵܐ ܡܲܬܠܸ̈ܐ ܘܗܲܩܝܲܬܸ̈ܐ ܕܟܸܐ ܡܲܦܠܸܚܵܐ ܗ݇ܘܵܐܠܗ݇ܘܿܢ ܒܚܕܵܐ ܥܕܵܢܵܐ ܠܵܚܘܿܡܬܵܐ                                 .    

   ܚܲܕ݇ ܝܵܘܡܵܐ ܟܲܕ ܝܬܝܼܒܼܸ̈ܐ ܝܘܲܚ ܗ݇ܘܵܐ ܓܵܘ ܒܲܝܬܵܐ ܠܚܲܕܸܪܘܵܢܸܐ ܕܐܘܼܕܵܠܸܐ ܘܗܲܡܙܘܼܡܸܐ ܝܘܲܚ ܗ݇ܘܵܐ ܒܘܼܬ ܗܲܝܡܵܢܘܼܬܵܐ ܘܚܘܼܒܵܐ ܕܐܲܠܵܗܵܐ، ܫܘܼܪܸܐܠܵܗܿ ܗܲܩܘܼܝܸܐ ܠܚܕܵܐ ܡܼܢ ܐܵܢܝܼ ܗܲܩܝܲܬܘܼܗܿ ܒܲܣܝܼܡܸ̈ܐ ܘܗܵܕܟܼܵܐ ܐ݇ܡܸܪܵܗܿ:                          

   ـ ܓܵܘ ܡܵܬܲܝܢܝܼ ܐܝܼܬ ܗ݇ܘܵܐ ܚܲܕ݇ ܩܵܫܵܐ ܡܗܘܼܡܢܵܐ ܕܟܠ ܪܲܡܫܵܐ ܟܸܐ ܐܵܙܸܠ ܗ݇ܘܵܐ ܠܥܘܼܡܪܵܐ ܩܵܐ ܨܲܠܲܝܬܵܐ ܕܨܠܘܼܬܵܐ. ܚܲܕ݇ ܝܵܘܡܵܐ ܒܥܕܵܢܵܐ ܕܕܝܵܪܬܵܐ ܡܼܢ ܥܘܼܡܪܵܐ ܟܲܕ ܕܘܼܢܝܸܐ ܚܘܼܫܟܸܢܬܵܐ ܗ݇ܘܵܐ ܘܐܘܼܪܚܵܐ ܠܸܐ ܗ݇ܘܵܐ ܡܲܒܝܘܼܢܸܐ، ܒܸܢܦܵܠܵܐ ܝܠܸܗ ܓܵܘ ܚܲܕ݇ ܩܘܼܢܝܵܐ ܒܗܿܝ ܕܕܵܐܟܼܝܼ ܕܟܠܲܢ ܟܸܐ ܝܵܕܥܲܚ ܒܗܿܘ ܙܲܒܼܢܵܐ ܡܵܬܘܵܬܸ̈ܐ ܠܲܝܬ ܗ݇ܘܵܘ ܠܗ݇ܘܿܢ ܒܸܪܩܵܐ ܘܐܘܼܖ̈ܚܵܬܸܐ ܟܸܐ ܗܵܘܝܼ ܗ݇ܘܵܘ ܚܸܫܟܵܢܸ̈ܐ.                            

   ܒܵܬ݇ܪ ܢܦܵܠܬܵܐ ܓܵܘ ܩܘܼܢܝܵܐ ܟܡܵܐ ܕܟ̰ܲܠܘܼܫܸܐ ܝܠܸܗ ܠܸܐ ܝܠܸܗ ܡܨܵܝܵܐ ܕܦܵܠܸܛ ܡܼܢ ܓܵܘܸܗ ܘܟܡܵܐ ܕܒܸܕܪܵܝܵܐ ܝܠܸܗ ܩܵܠܸ̈ܐ ܟ̰ܘܼ ܚܲܕ݇ ܐ݇ܢܵܫܵܐ ܠܸܐ ܝܠܸܗ ܒܸܫܡܵܥܘܼܗܝ ܩܵܠܘܼܗܝ ܒܗܿܝ ܕܒܡܵܬܘܵܬܸ̈ܐ ܥܵܠܡܵܐ ܪܵܒܵܐ ܓ̰ܲܠܕܸܐ ܟܸܐ ܐܵܙܸܠ ܗ݇ܘܵܐ ܠܒܲܝܬܵܐ ܘܒܗܿܝ ܥܕܵܢܵܐ ܠܲܝܬ ܗ݇ܘܵܐ ܟ̰ܘܼ ܚܲܕ݇ ܕܫܵܡܸܥ ܗ݇ܘܵܐܠܸܗ ܩܵܠܘܼܗܝ.                

   ܗܵܕܟܼܵܐ ܩܵܫܵܐ ܦܝܵܫܵܐ ܝܠܸܗ ܥܸܨܝܵܐ ܕܦܵܐܸܫ ܓܵܘ ܩܘܼܢܝܵܐ ܗܲܠ ܦܪܵܚܬܵܐ ܕܕܸܢܚܵܐ ܘܗܿܝܓܵܗ ܡܸܢ݇ܕܪܸܫ݇ ܒܸܕܪܵܝܵܐ ܝܠܸܗ ܩܵܠܸ̈ܐ ܘܒܸܛܠܵܒܵܐ ܝܠܸܗ ܗܲܝܲܪܬܵܐ ܒܗܿܝ ܕܐܲܟܵܖܸ̈ܐ ܒܩܲܝܕܵܡܬܵܐ ܓ̰ܲܠܕܸܐ ܟܸܐ ܐܵܙܠ݇ܝܼ ܠܕܸܫܬܵܐ ܩܵܐ ܦܘܼܠܚܵܢܵܐ.                         

   ܒܵܬ݇ܪ ܕܪܵܝܬܵܐ ܕܚܲܕ݇ ܬܪܸܝܢ ܩܵܠܸ̈ܐ، ܒܸܫܡܵܥܵܐ ܝܠܸܗ ܠܩܵܠܵܐ ܕܐ݇ܢܵܫܸ̈ܐ ܘܒܸܐܬܵܝܵܐ ܘܦܲܠܘܼܛܘܼܗܝ ܝܢܵܐ ܡܼܢ ܓܵܘ ܩܘܼܢܝܵܐ ܘܒܸܐܙܵܠܵܐ ܝܠܸܗ ܠܒܲܝܬܘܼܗܝ. ܐܝܼܢܵܐ ܟܲܕ ܥܒܼܵܪܵܐ ܝܠܸܗܒܸܚܙܵܝܵܐ ܝܠܸܗ ܕܓܸܢܵܒܼܵܐ ܡܸܚܝܵܐ ܝܠܸܗ ܥܲܠ ܒܲܝܬܘܼܗܝ.            

   ܩܵܫܵܐ ܦܝܵܫܵܐ ܝܠܸܗ ܒܕܘܼܡܵܪܵܐ ܘܗܲܪ ܒܗܿܝ ܥܕܵܢܵܐ ܒܪܵܟܵܐ ܝܠܸܗ ܠܐܲܪܥܵܐ ܘܫܲܟܘܼܪܸܐ ܝܠܸܗ ܠܡܵܪܝܵܐ ܘܐ݇ܡܵܪܵܐ ܝܠܸܗ: ـ ܝܵܐ ܡܵܪܝܼ ܟܡܵܐ ܫܘܼܓܼ݇ܠܵܢܘܼܟܼ ܫܲܦܝܼܖܸ̈ܐ ܘܣܲܪܲܣܬ ܝܢܵܐ! ܐܸܢ ܐܵܢܵܐ ܬܸܡܲܠ ܥܵܨܸܪܬܵܐ ܗܵܘܸܝܢ ܗ݇ܘܵܐ ܓܵܘ ܒܲܝܬܵܐ ܕܠܵܐ ܫܸܟ ܒܸܕ ܦܵܝܫܸܢ ܗ݇ܘܵܐ ܩܛܝܼܠܵܐ ܐܝܼܢܵܐ ܐܲܢ݇ܬ ܦܵܪܘܿܩܝܼ ܩܵܡ ܕܵܪܸܬܠܝܼ ܓܵܘ ܩܘܼܢܝܵܐ ܩܲܕ ܒܘܼܫ ܙܵܘܕܵܐ ܪܵܥܫܸܢ ܒܘܼܬ ܥܵܓ̰ܸܒܘܼܝܵܬܘܼܟܼ

.