ܡܫܘܚܝܬܐ

ܡܫܘܚܝܬܐ

ܚܡܪܐ ܥܡ ܚܠܝܬܐ

ܒܒܓ̰ܢ ܠܥܙܪܝܐܢ

ܐܵܢܝ݇ ܨܘܼܨܝܵܬܵܟܼܝ̈ ܓܕܝܼܠܸ̈ܐ ܒܓܸܕܵܐ ܕܛܲܢܒܘܼܖܸ̈ܐ

                          ܟܠ ܚܲܕ݇ ܠܚܲܕ݇ ܓܸܒܵܐ ܒܸܓܪܵܫܵـܐ ܘܠܲܒܘܼܠܝܼ

ܕܠܵܐ ܒܕܝܼܵܟܼܝ ܫܬܝܼܩܵܐ ܝܘܸܢ ܘܠܸܐ ܦܵܠܸܛ ܩܵܠܝܼ

                         ܫـܘܼܦـܪܵܐ ܕܣܸܦܘܵܬܵܟܼܝ ܕܘܼܝـܠܸܗ ܡܲـܙܡـܘܼܪܝܼ

                         ܀܀܀

ܡܼܢ ܚܲܫܵـܐ ܕܚܘܼܒܵـܟܼܝ ܕܘܼܝـܘܸܢ ܬܘܼܪܫܸـܢܵـܐ

                         ܒܸܝܩܵܕܵܐ ܝ݇ܘ݇ܢ ܘܠܸܐ ܝܠܸܗ ܦܠܵܛܵـܐ ܟ̰ܘܼ ܬܸܢܵܐ

ܚܲܒܼـܪܵܐ ܒܸܚـܙܵܝܵـܐ ܘܒܸܝـܩܵــܕܵܐ ܠܸـܒـܘܼܗܝ

                         ܕܸܫ̃ــܡܸܢ ܡـܚܲـܕܘܼܬܸܗ ܡܸـܚـܝܵـܐ ܝـܠܸـܗ ܚܸـܢܵـܐ

                         ܀܀܀

ܡܘܼܕܝ݇ ܚܛܝܼܬܵܐ ܝ݇ܘ݇ܢ ܚܸܛܝܵܐ ܕܗܵܕܵܐ ܬܲܥܠܘܼܡܝܼ؟

                        ܕܐܘܼܦ ܚܠܝܼܬܵܐ ܠܸܐ ܝܠܵܗܿ ܒܸܐܬܵܝܵܐ ܠܚܸܠܡܝܼ

ܐܵܢܵܐ ܠܸܐ ܝ݇ܘ݇ܢ ܪܵܒܝܼ، ܦܫܝܼܛܵܐ ܡܵܫܘܿܚܵܐ ܝ݇ܘ݇ܢ

                         ܩܵـܐ ܡܚܵܝـܬܵܐ ܕܠܐܲܪܥܵــܐ ܗܵܕܟܼܵܐ ܡܲـܪܘܼܡـܝܼ

ܠܵܐ ܒܲܩܸܪ ܕܵܐܟܼܝܼ ܝ݇ܘ݇ܬ، ܓܲܫܸܩ ܥܲܠ ܦܲܐܬܝܼ

                          ܡܚܲـܒـܖ̈ܵܢܸܐ ܣܲܟܼـܠܸ̈ܐ، ܫـܘܼܪܫܸـܐ ܠܵـܗܿ ܢܵـܬܝܼ

ܡܼܢ ܬܲܪܥܵܐ ܕܒܵܒܝܼ ܠܲܝܬ ܟ̰ܘܼ ܚܲܕ݇ ܢܝܼܫܵܢܩܵܐ

                         ܟـܘܼܪܕܸܣــܬܵܢ ܗ݇ܘܝܼـܬܵܐ ܗܿܝ ܐܲܢــܗܲܪ ܡܵـܬܝܼ

                        ܀܀܀

ܒܓܵܗܸ̈ܐ ܡܸܚܝܸܢܗ݇ܘܿܢ، ܠܵܐ ܦܠܸܛܠܸܗ ܩܵܠܝܼ

                         ܚܲܒܖ̈ܵܢܸܐ ܕܣܲܟܼܠܵܐ، ܦܘܼܠܛܲܝܗܝ ܠܝܼ ܡܒܵܠܝܼ

ܚܲܫܵܐ ܕܚܲܒܼܪܵܐ ܪ݇ܚܝܼܫܵܐ، ܠܸܐ ܗܵܘܸܐ ܓܪܵܫܵܐ

                        ܚܲܡـܪܵܐ ܥܲـܡ ܚܠܝܼܬܵܐ، ܦܘܼܖ̈ܩܸـܐ ܝܢܵܐ ܩܵـܠܝܼ

                                            

ܓܘܢܚܐ ܕܣܡܝܠܐ

ܫܡܝܪܡ ܕ.ܦܘܪܝܐܢ

     ܬܠܵܬ݇ ܐܲܠܦܸ̈ܐ ܙܲܟܵܝܸ̈ܐ ܢܦܸܠܗ݇ܘܿܢ:

     ܠܐܲܪܥܵܐ ܡܓܵܘܢܵܢܬܵܐ ܕܣܸܡܹܝܠܸܐ!

     ܬܠܵܬ݇ ܐܲܠܦܸ̈ܐ ܐܵܚܸ̈ܐ ܦܘܼܪܬܸܠܗ݇ܘܿܢ:

     ܒܕܸܫܬܵܐ ܫܲܕܠܵܢܬܵܐ ܕܣܸܡܹܝܠܸܐ!

     ܫܡܲܝܵܐ ܚܙܸܐܠܵܗܿ:

     ܡܚܲܫܵܐ ܒܟܼܸܐܠܵܗܿ:

     ܘܐܲܪܥܵܐ ܡܟܹܐܒܼܘܿܗܿ ܕܸܡܵܐ ܓܣܸܐܠܵܗܿ!

     ܬܠܵܬ݇ ܐܲܠܦܸ̈ܐ ܠܸܒܘܵܬܸ̈ܐ ܟܠܸܐܠܗ݇ܘܿܢ:

     ܘܐ݇ܚܸܪ݇ܢ ܠܵܐ ܪܦܸܬܠܗ݇ܘܿܢ:

     ܒܨܲܕܪܵܐ ܕܲܪܒܵܢܵܐ ܕܣܸܡܹܝܠܸܐ!

     ܬܠܵܬ݇ ܐܲܠܦܸ̈ܐ ܙܵܘܓܸ̈ܐ ܕܥܲܝܢܵܬܸ̈ܐ:

     ܡܥܲܦܪܵܐ ܡܠܸܐܠܗ݇ܘܿܢ:

     ܘܠܵܐ ܚܙܸܐܠܗ݇ܘܿܢ:

     ܠܝܵܘܡܵܐ ܒܲܗܪܵܢܵܐ ܕܣܸܡܹܝܠܸܐ!

     ܬܠܵܬ݇ ܐܲܠܦܸ̈ܐ ܓܲܢ݇ܒܵܖܸ̈ܐ ܢܝܼܚܠܗܘܿܢ:

     ܠܡܲܕܒܚܵܐ ܕܝܸܡܵܐ:

     ܘܝܸܡܵܐ ܝܬܸܒܼܠܵܗܿ ܒܐܸܒܼܠܵܐ ܕܝܲܠܕ݇ܘܼܗܿ:

     ܢܦܝܼܠܸ̈ܐ ܒܟ̰ܲܢܓܘܼܖ̈ܝܵܬܸܐ ܕܡܵܘܬܵܐ:

     ܒܕܸܫܬܵܐ ܕܸܡܵܢܬܵܐ ܕܣܸܡܹܝܠܸܐ!

     ܬܠܵܬ݇ ܐܲܠܦܸ̈ܐ ܟܵܘܟܼܒܼܸ̈ܐ ܒܘܼܠܒܸܨܠܗ݇ܘܿܢ:

     ܘܒܲܗܪܵܐ ܦܪܸܣܠܗ݇ܘܿܢ:

     ܒܫܡܲܝܵܐ ܚܸܫܟܵܢܬܵܐ ܕܣܸܡܹܝܠܸܐ.

     ܥܒܼܸܪܗ݇ܘܿܢ ܫܸܢܸ̈ܐ، ܝܲܖ̈ܚܸܐ ܘܝܵܘܡܸ̈ܐ:

     ܘܕܲܪܒܵܐ ܕܣܸܡܹܝܠ ܗܲܪ ܕܲܡܕܘܼܡܸܐ:

     ܘܠܸܐ ܦܵܪܩܵܐ:

     ܡܠܸܒܵܐ ܕܝܸܡܵܐ:

     ܚܲܫܵܐ ܩܲܛܠܵܢܬܵܐ ܕܣܸܡܹܝܠܸܐ.

     

ܐܘܪܡܝ 2015

    

ܐܝܠܐ ܕܛܘܖ̈ܢܐ

     ܫܡܥܘܢ ܒܝܬ ܐܝܫܘ

          ܥܲܠ ܓܒܼܝܼܢܵܟܼܝ ܨܘܼܪܬܵܐ ܕܣܲܗܪܵܐ ܝܠܵܗܿ ܨܠܝܼܬܵܐ

          ܐܵܢܝ݇ ܩܲܙܲܕܝܵܬܵܟܼܝ:

          ܐܲܝܟܼ ܐܲܝܠܵܐ ܕܥܲܠ ܛܘܼܪܵܐ ܟܠܝܼܬܵܐ

          ܐܵܦܸܢ ܕܣܦܝܼܩܬܵܐ ܝܠܵܗܿ ܐܝܼܕܝܼ ܡܼܢ ܬܸܫܒܚܵܬܸ̈ܐ!!

          ܟܒܵܥܸܢ ܕܢܵܫܩܝܼ ܠܗ݇ܘܿܢ ܬܸܠܦܵܦܵܟܼܝ ܟܬܝܼܖܸ̈ܐ

          ܙܸܡܖܸ̈ܐ ܕܓܵܘ ܡܘܼܫܚܵܬܝܼ

          ܢܕܝܼܪܵܐܠܝܼ ܩܵܬܵܟܼܝ ܐܵܢܵܐ

          ܟܠܵܗܿ ܐܵܗ ܓܵܢܝܼ ܒܠܝܼܬܵܐ

          ܕܘܼܢܝܸܐ ܝܠܵܗܿ ܒܲܚܘܼܠܸܐ

          ܕܝܼܘܲܬܝ ܡܼܢ ܟܠܵܝ ܒܸܫ ܚܠܝܼܬܵܐ

          ܕܡܵܝܵܐ ܝܘܲܬܝ ܐܲܢ݇ܬܝ

          ܥܲܠ ܕܗܿܝ ܥܲܝܢܵܐ ܕܡܝܼܵ̈ܐ ܨܠܘܿܠܸ̈ܐ

          ܕܐܲܝܠܵܐ ܕܛܘܼܖ̈ܵܢܸܐ ܥܲܠܘܼܗܿ ܝܠܵܗܿ ܟܠܝܼܬܵܐ!

ܩܐ ܫܡܝܪܡ

ܩܵܐ ܫܲܡܝܼܪܵܡ؛ ܗܿܝ ܚܲܒܼܪܬܝܼ، ܐ݇ܢܵܫܝܼ ܘܚܸܙܡܝܼ،  ܡܲܠܦܵܢܬܝܼ ܘܡܲܠܦܵܢܬܵܐ ܕܡܲܠܦܵܢܸ̈ܐ، ܩܵܐ ܐܲܠܲܗܬܵܐ ܫܲܡܝܼܪܵܡ، ܩܵܐ ܫܲܡܝܼܪܵܡ ܡܲܠܟܬܵܐ ܕܐܵܬܘܼܪ، ܩܵܐ ܣܲܡܝܼܪܵܡܝܼܣ، ܣܲܡܝܼܪܵܐ، ܘܩܵܐ ܬܸܠ ـ ܫܲܡܝܼܪܵܡ (ܚܵܒܘܼܪ)

          ܡܼܢ ܝܵܘܡܵܐ ܕܩܵܡ ܚܵܙܝܵܢܵܟܼܝ

          ܠܸܐ ܝ݇ܘ݇ܢ ܡܨܝܼܬܵܐ ܕܡܲܢܫܝܼܵܢܵܟܼܝ

          ܝܲܢ ܡܼܢ ܒܵܠܝܼ ܦܲܠܛܵܢܵܟܼܝ

          ܠܵܐ ܡܨܲܘܸܬ ܡܸܢܝܼ ܒܟ̰ܝܘܼܪܵܐ

          ܛܲܥܢܝܼ ܝܑܼܠܸܗ ܝܲܩܘܼܪܵܐ

          ܪܸܚܩܵܐ ܝ݇ܘ݇ܢ ܡܼܢ ܐܲܬܪܝܼ ܘܐ݇ܢܵܫܝܼ

          ܒܫܸܢܸ̈ܐ ܦܝܼܫܬܵܐ ܝܘܵܢ ܒܢܲܦ̰ܫܝܼ

          ܬܚܘܼܡܢܵܝܬܵܐ ܝ݇ܘ݇ܢ ܘܛܘܼܪܵܝܬܵܐ

          ܐܘܼܦ ܐܸܢ ܪܸܚܩܵܐ ܝ݇ܘ݇ܢ ܡܼܢ ܒܲܝܬܵܐ

          ܫܘܼܓܼ݇ܠܵܐ ܕܫܠܵܡܵܐ ܒܲܣܡܵܢܵܐ

          ܩܵܐ ܦܲܠܵܚܵܐ ܘܐܘܼܡܵܢܵܐ

          ܘܩܵܬܝܼ ܒܬܸܒܼܹܝܠ ܕܸܪܡܵܢܵܐ

          ܩܵܐ ܕܠܵܐ ܗܵܘܲܚ ܕܘܼܟܼܪܵܢܵܐ

          ܣܢܝܼܩܸ̈ܐ ܝ݇ܘ݇ܚ ܐܲܚܟ̰ܝܼ ܠܝܘܼܠܦܵܢܵܐ

          ܐܵܗܵܐ ܝܑܼܠܵܗܿ ܗܲܝܡܲܢܬܝܼ

          ܘܠܸܐ ܫܲܚܠܸܦܵܐ ܗܲܠ ܡܵܘܬܝܼ

          ܐܸܢ ܫܘܼܚܠܸܦܠܵܗܿ ܠܵܐ ܩܵܒܼܠܵܬܝ

          ܝܵܕܥܵܬܝ ܠܲܝܬ ܗ݇ܘܵܐ ܠܝܼ ܦܸܪܣܲܬ!

                    ܗܹܝܠܹܝܢ ܣܵܟܼܘܿ (ܗܵܒܼܹܝܠ ܨܵܘܡܘܼ ܐܵܒܼܪܵܗܸܡ)

܀܀܀܀܀

ܐܬܘܪ ܕܙܒܼܢܢ

ܓܘܠܝܕ ܢ. ܒܢܝܡܝܢ

    

          ܡܲܪܸܡ ܪܸܫܵܟܼܝ ܐܵܬܘܼܪ: ܚܘܿܪ ܠܡܲܪܙܵܢܵܟܼܝ

          ܫܸܠܝܸ̈ܐ ܫܬܝܼܩܸ̈ܐ: ܣܦܝܼܩܸ̈ܐ ܫܒܼܝܼܩܸ̈ܐ ܘܡܘܼܫܲܡܸܪ:

          ܩܘܼܡ ܒܪܘܼܚܵܟܼܝ ܢܸܫܪܵܝܬܵܐ: ܚܘܿܪ ܠܛܘܼܖܸ̈ܐ ܘܖ̈ܵܘܘܼܠܸܐ:

          ܒܕܲܖ̈ܒܵܢܸܐ ܬܲܢܘܼܚܸܐ ܒܝܲܠܨܘܼܘܸܐ ܘܘܵܝ:

          ܢܦܸܠܗ݇ܘܿܢ ܒܢܘܿܢܵܟܼܝ ܒܡܵܝܕܵܢ ܕܦܠܵܫܵܐ: ܘܒܢܵܬܵܟܼܝ:

          ܕܫܘܼܦܖܸ̈ܐ: ܣܘܼܦܝܸ̈ܐ ܠܙܵܘܥܸ̈ܐ ܕܛܲܢܦܘܼܬܵܐ:

          ܩܘܿܡ ܡܲܪܸܡ ܐܘܼܠܝܼܬܵܐ ܠܒܢܘܼܢܵܟܼܝ ܓܲܢ݇ܒܵܖܸ̈ܐ:

          ܕܲܖ̈ܒܵܢܸܐ ܒܣܸܐܬܵܖܸ̈ܐ ܬܲܢܘܼܚܸܐ ܒܝܲܠܨܘܼܘܸܐ ܘܘܵܝ.

ܡܼܢ ܟܬܒܼܐ ܕܢܩܘܫܐ ܒܝܕ: ܝܘܝܩܠ  1933