ܫܲܡܝܼܪܲܡ ܕܵܘܝܼܕ ܦܘܼܪܝܵܐܢ
ܠܲܐܟܼܵܐ ܚܕܵܐ ܟܠܵܣ ܕܠܸܫܵܢܵܐ ܐ݇ܣܘܼܪܝܵܝܵܐ
ܝܠܵܗܿ. ܦܪܝܼܩܵܐ ܝܠܸܗ ܙܲܒܼܢܵܐ ܕܩܪܵܝܬܵܐ ܘܡܛܝܼܬܵܐ ܝܠܵܗܿ ܥܕܵܢܵܐ ܕܨܲܚܨܵܝܵܬܸ̈ܐ. ܐܲܕܝܼܵܐ
ܡܲܠܦܵܢܝܼܬܵܐ ܥܲܡ ܝܵܠܘܿܦܸ̈ܐ ܝܬܝܼܒܼܸ̈ܐ ܝܢܵܐ ܓܵܘ ܟܠܵܣ ܘܫܲܪܘܼܝܸܐ ܝܠܵܗܿ ܨܲܚܨܵܝܬܵܐ.
ܚܵܙܲܚ ܒܫܸܢ݇ܬ ܕܲܥܒܼܲܪ ܡܘܼܕܝܼ ܝܠܵܗܿ ܡܘܼܠܸܦܬܵܐ ܡܲܠܦܵܢܝܼܬܵܐ ܩܵܐ ܝܵܠܘܿܦܸ̈ܐ ܘܐܵܢܝܼ
ܟܡܵܐ ܝܢܵܐ ܝܠܝܼܦܸ̈ܐ ܡܸܢܘܼܗܿ:
ܡܲܠܦܵܢܝܼܬܵܐ:
ܡܘܼܪܝܼ ܒܘܼܬ ܐܵܬܘܼܪ ܚܩܝܼܪܬܵܐ
ܝܵܘܢܝܼܬܵܐ : ܒܠܸܒܝܼ ܘܒܪܘܼܚܝܼ ܝܠܵܗܿ ܢܩܝܼܪܬܵܐ
ܡܲܠܦܵܢܝܼܬܵܐ: ܡܘܼܪܝܼ
ܐܲܝܟܵܐ ܝܠܵܗܿ ܐܵܬܘܼܪ؟
ܐܵܫܘܼܪ : ܐܲܝܟܵܐ
ܕܗܵܘܝܵܐ ܒܐܵܗ ܒܪܝܼܬܵܐ
ܒܠܸܒܵܐ
ܕܟܠ ܐܵܬܘܼܪܵܝܵܐ
ܚܕܵܐ ܐܵܬܘܼܪ ܝܠܵܗܿ ܫܪܝܼܬܵܐ
ܡܲܠܦܵܢܝܼܬܵܐ: ܡܘܼܪܝܼ
ܕܐܵܬܘܼܪ ܡܘܼܕܝܼ ܝܠܵܗܿ؟
ܫܲܡܝܼܪܵܡ: ܚܲܕ݇ ܚܸܠܡܵܐ ܝܠܵܗܿ ܓܲܪܫܵܢܵܐ
ܚܲܕ݇ ܚܸܙܘܵܐ ܚܲܪܸܫܵܢܵܐ
ܡܲܠܦܵܢܝܼܬܵܐ:
ܡܘܼܪܝܼ ܒܘܼܬ ܐܵܬܘܼܪܵܝܵܐ
ܗܿܘ ܓܲܢ݇ܒܵܪܵܐ ܐ݇ܣܘܼܪܝܵܝܵܐ
ܐܸܢܠܝܼܠ: ܐܵܬܘܼܪܵܝܵܐ ܒܝܘܼܠܦܵܢܵܐ
ܒܐܘܼܡܵܢܘܼܬܵܐ؛ ܒܦܘܼܠܚܵܢܵܐ
ܫܩܝܼܠܵܐ ܝܠܸܗ ܡܲܥܡܘܿܕܝܼܬܵܐ
ܚܸܩܪܵܐ
ܝܠܸܗ ܕܐܵܗܵܐ ܒܪܝܼܬܵܐ
ܐܲܢܟܝܼܕܘܼ: ܐܵܬܘܼܪܵܝܵܐ ܕܠܵܐ ܝܕܵܥܬܵܐ
ܕܠܵܐ ܝܘܼܠܦܵܢܵܐ ܘܚܸܟܼܸܡܬܵܐ
ܠܸܐ ܗܵܘܸܐ ܠܸܗ ܚܲܕ݇ ܫܘܼܦܪܵܐ
ܠܸܐ ܗܵܘܸܐ ܚܫܝܼܚܵܐ ܠܚܸܩܪܵܐ
ܡܲܠܦܵܢܝܼܬܵܐ:
ܕܵܐܟܼܝ݇ ܗܵܘܲܚ ܐܵܬܘܼܖ̈ܵܝܸܐ؟
ܦܵܝܫܲܚ ܝܕܸܥܝܸ̈ܐ ܐ݇ܣܘܼܖ̈ܝܵܝܸܐ؟
ܪܵܡܵܢܬܵܐ: ܐܵܗ ܐܝܼܠܵܢܵܐ ܕܚܲܝܘܼܬܲܢ
ܕܝܼܠܸܗ ܪܘܼܫܡܵܐ ܕܐܝܼܬܘܼܬܲܢ
ܡܲܫܬܲܚ
ܠܸܗ ܟܠ ܚܕܵܐ ܥܕܵܢܵܐ
ܒܡܝܼܵܐ ܡܩܘܼܕܫܸ̈ܐ ܕܠܸܫܵܢܵܐ
ܢܝܼܣܵܢ: ܐܸܢ ܐܵܬܘܼܖ̈ܵܝܸܐ ܝܘܲܚ
ܠܥܵܠܲܡ ܫܘܼܖ̈ܵܝܸܐ ܝܘܲܚ
ܪܘܼܫܡܵܐ ܝܠܸܗ ܐܵܗ ܠܸܫܵܢܲܢ
ܡܼܢ
ܛܘܼܠܩܵܢܵܐ ܦܲܪܩܵܢܲܢ
ܟܠܲܝܗܝ
ܡܐܘܼܕܵܠܸܐ:
ܝܵܠܦܲܚ ܘܡܲܠܦܲܚ ܠܸܫܵܢܵܐ
ܕܠܵܐ ܛܲܠܩܲܚ ܐܲܢ݇ܬ ܘܐܵܢܵܐ
No comments:
Post a Comment