ܫܡܥܘܢ ܒܝܬ ܐܝܫܘ
܀ ܐܵܢܝܼ ܕܝܼܗ݇ܘܵܘ ܝܬܝܼܒܼܸ̈ܐ ܒܐܲܬܪܵܐ ܠܛܸܠܵܠܸ̈ܐ ܕܡܵܘܬܵܐ ܒܲܗܪܵܐ
ܙܪܸܩܠܸܗ ܐܸܠܵܝ:ܡܲܬܲܝ
ܒܝܲܪܚܵـܐ ܕܢܝܼـܣܵܢ ܚـܙܸܐ ܠܲܢ ܐܝܼـܢܵـܐ ܩܝܼܫܠܸـܗ ܗܵܘܵܐ
ܚܲܘܚܵܐ ܦܩܝܼܚܬܵܐ؛ ܬܲܠܓܵܐ ܝܬܝܼܒܼܵܐ ܥܲܠ ܚܲܕ݇ ܦܲܥܘܵܐ
ܚܲـܕ݇ܟܡܵـܐ
ܦܸܩـܚܸ̈ܐ ܖ̈ܲܥـܕܸܐ ܕܚܲܘܚܵـܐ ܠܦܲܥـܘܵܐ ܦܝܼܫܸ̈ܐ
ܩܵܐ ܒܘܼܬ ܡܘܼܕܝܼ؟ ܒܗܵـܝ ܕܩܵܬ ܐܵܢܝܼ ܓ̰ܲܠܕܸܐ
ܖ̈ܥܝܼܫܸܐ
ܦܸܩـܚܸ̈ܐ ܚܲـܕ݇ܬܸ̈ܐ ܗܲܪ ܒܐܵܓܼܘܿܢܵـܐ ܟܸܠـܝܸ̈ܐ ܟܠܵـܝܵـܐ
ܡܼܢ ܚܘܼܦܵܛܵܝ ܩܵܐ ܒܘܼܬ ܦܝܵܫܬܵـܝ ܠܵܐ ܒܸܫܠܵܝܵܐ
ܩܲܪܬܵܐ ܕܢܝܼـܣܵܢ ܡܲܙܝـܘܼܕܸܐ ܗ݇ܘܵܐ ܪܵܒܵـܐ
ܠܚܲܝܠـܘܼܗܿ
ܩܵܘܡܵܐ ܕܫܵܩܠܵܐ ܠܐܵܢܝܼ ܦܸܩܚܸ̈ܐ ܬ݇ܚܘܼܬܵܐ
ܕܐܲܩܠܘܼܗܿ
ܬܲܠܓܵܐ ܕܢܝܼܣܵܢ ܫܘܼܪܝܵܐ ܫܪܵܝܵܐ ܡܼܢ ܫܘܼܠܛܵܢܘܼܗـܝ
ܦܸܩܚܵܐ ܦܩܝܼܚܵـܐ ܒܸܚܬܵܪܵܐ ܗ݇ܘܵܐ ܒـܘܼܬ ܒܲܪܝܵܢܘܼܗـܝ
ܐ݇ܬܸܐ ܠܵܗܿ ܥܕܵܢܵܐ ܩܘܼܪܒܵܐ ܠܛܲܗܪܵܐ ܡܚܲܕ݇ ܙܲܗܪܝܼܪܵܐ
ܨܠܸܐ ܠܸܗ ܠܚܲܘܚܵܐ ܚܲܝܠܵܐ ܕܚܘܼܡܵܐ ܟ̰ܸܡ ܫܲܪܝܼܪܵܐ
ܩܪܸܡܠܸܗ ܫܸܡܫܵـܐ ܫܩܝܼܠܵـܐ ܚܲܝܠܵـܐ ܡܼܢ ܥܲܝܒܼܵܢܸ̈ܐ
ܦܫܸܪܸܗ ܬܲܠܓܵܐ ܫܪܸܛܠܸܗ ܓ̰ܲܠܕܸܐ ܡܥܲܠ ܦܲܥܘܵܢܸ̈ܐ
ܐܵܢــܝ݇ ܢܵـܛـܘܿܦܸ̈ܐ ܢـܛܝܼܦܸ̈ܐ ܕܡܝܼܵــܐ
ܒܚܲܝܠܵـܐ ܕܦܵـܘܚܵܐ
ܗ݇ܘܸܐ ܠܗ݇ܘܿܢ ܪܸܙܩܵܐ ܠܘܲܪܕܵܐ ܪܲܥܕܵܐ؛
ܠܩܲܝܣܵܐ ܕܚܲܘܚܵܐ
ܫܩܘܼܠܘܼܢ ܛܘܼܦ̰ܣܵܐ ܡܦܘܼܠܚܵܢ ܟܝܵܢܵܐ ܓ̰ܘܲܢܩܸ̈ܐ ܕܙܲܒܼܢܵܐ
ܟܠ ܐܘܼܠـܨܵܢܵـܐ ܒܵܥܸـܐ ܠـܬܒܼܵܪܲܢ ܒـܟܠ ܚܲܕ݇ ܓܵـܘܢܵܐ
ܐܝܼـܢܵــܐ ܐܵܢـܝܼ ܕܝܼـܢܵــܐ ܟܸـܠـܝܸ̈ܐ ܩܲــܕ݇ܡ ܙܲܪܒܵـܢܵـܐ
ܠܪܵܘܡܵܐ ܕܪܸܫܵܝ ܒܟܵܠܝܵܐ ܩܸܛܪܵܐ ܕܩܸܫܬܝܼ ܥܢܵܢܵܐ
ܐܲܢ݇ܬ ܫܲܒܝܼܒܵܐ
ܟܠܸـܐ ܠـܘܼܟܼ ܫܵܘܦܘܼܟܼ ܡܐܲܝـܟܼ ܐܲܬܖ̈ܵܝܸܐ
ܠܐܵܢܝܼ ܕܪܚܸܩܠܗ݇ܘܿܢ ܩܵܪܝܼ ܩܵܬܲܝܗـܝ
ܡܐܲܝܟܼ ܓܲܠܘܵܝܸ̈ܐ
