ܝܣܝܼܪܲܝܗܝ ܠܗ݇ܘܿܢ ܣܸܦܘܵܬ̈ܝܼ
ܕܠܵܐ ܦܵܠܸܛ ܩܵܠܝܼ
ܠܩܲܢܝܵܐ ܘܩܲܠܵܡܵܐ ܚܕܸܪܸܗ ܒܵܠܝܼ.
ܗܲܠ ܐܲܒܲܕ ܗ݇ܘܸܐ ܠܗ݇ܘܿܢ ܒܸܟ̰ܪܵܙܵܐ
ܚܸܪܦܵܐ ܕܟܸܬܘܵܐ ܕܙܠܘܼܡܝܸ̈ܐ
ܓܵܘ ܥܲܝܢܵܬܸ̈ܐ ܕܕܸܡܥܸ̈ܐ ܕܥܲܝܢܝܼ.
ܦܲܪܬܘܼܠܸܐ؛ ܥܲܪܒܘܼܛܸܐ؛ ܡܩܲܕ݇ܡ
ܡܲܚܘܵܬܸ̈ܐ ܕܦܵܘܚܸ̈ܐ ܣܲܡܡܵܢܸ̈ܐ
ܘܩܵܛܘܿܠܸ̈ܐ.
ܗܵܐ...
ܢܝܼܚܵܐ ܒܢܝܼܚܵܐ ܫܲܪܘܼܝܸܐ ܝܘܸܢ
ܒܸܫܠܵܡܵܐ
ܩܵܐ ܓܪܵܫܬܵܐ ܕܐܲܢܸܐ ܕܲܖ̈ܕܸܐ
ܒܗܵܝ ܕ:
ܗܵܘ ܚܘܼܒܵܟܼܝ ܫܝܼܡܵܐ ܩܒܼܝܼܪܵܐ ܝܠܸܗ
ܓܵܘ ܥܲܦܖ̈ܵܢܸܐ ܕܣܲܒܼܖ̈ܝܼ ܘܗܸܒܼܝܼܝܼ
ܘܐܲܝܟܼ ܥܝܵܕܵܐ ܕܥܲܠ ܥܲܢܝܼܕܸ̈ܐ
ܬܲܖ̈ܥܵܢܸܐ ܕܒܸܟܼܝܵܐ ܒܟܠ ܥܕܵܢܵܐ ܝܢܵܐ ܦܬܝܼܚܸ̈ܐ
ܥܲܠ ܥܲܒܼܕܵܢܸ̈ܐ ܕܐܸܒܼܠܸ̈ܐ
ܒܘܼܬ ܣܒܵܪܬܲܝܗܝ ܥܲܠ ܢܘܼܚܵܡܵܐ
ܝܲܬܒܼܵܢܸ̈ܐ ܕܒܫܵܗܲܪܬܵܐ.
ܕܐܘܼܦ ܐܲܢ݇ܬܝ ܡܼܢ ܥܲܦܪܵܐ
ܕܣܲܒܼܪܝܼ ܘܗܸܒܼܝܼܝܼ ܒܸܕ ܢܵܚܡܵܬܝ
ܩܵܬܝܼ،
ܐܘܼܡܬܝܼ.
ܫܡܥܘܢ ܒܝܬ ܐܝܫܘ
No comments:
Post a Comment