ܕܟܬܪ ܡܕܠܵܝܢ ܕܵܝܒܼܝܣ
ܥܸܠܬܵܐ
ܕܦܵܫܲܡܬܵܐ ܝܠܵܗܿ ܕܪܵܒܵܐ ܐ݇ܢܵܫܸ̈ܐ، ܐܵܦ ܐܵܬܘܼܖ̈ܵܝܸܐ ܟܸܐ ܚܵܫܒܼܝܼ ܕܐܵܢܝܼ ܕܓܸܠܕܵܝ
ܚܘܵܪܵܐ، ܥܲܝܢܵܝ̈ ܡܝܼܠܸ̈ܐ ܘܟܵܘܣܵܝ ܙܲܪܕܵܐ ܝܠܸܗ، ܡܼܢ ܟܠܵܝ ܐ݇ܚܸܖ̈݇ܢܸܐ ܒܘܼܫ ܥܸܠܵܝܸ̈ܐ
ܝܢܵܐ. ܡܵܕܸܝܢ (ܒܲܣ، ܗܵܝܓܵܗ) ܐܝܼܡܵܢ
ܕܒܢܲܝ̈ ܐܘܼܡܬܲܢ ܟܘܵܟ̰ܵܐ ܝܢܵܐ ܠܐܲܬܖ̈ܵܘܵܬܸܐ ܡܲܥܖ̈ܒܼܵܝܸܐ، ܢܟܼܵܦܵܐ ܝܢܵܐ ܒܐܝܼܬܘܼܬܵܝ
ܐܵܬܘܼܪܵܝܬܵܐ ܘܡܚܲܦܘܼܛܸܐ ܝܢܵܐ ܕܡܫܲܚܠܸܦܝܼ ܠܦܸܨܠܵܝ ܘܲܠܡܲܒܝܲܢܬܵܝ؛ ܐܵܦܸܢ ܕܠܸܐ ܝܠܵܗܿ
ܡܸܬܗܵܘܝܵܢܬܵܐ ܕܐ݇ܢܵܫܵܐ ܕܸܡܘܼܗܝ (DNA and
Genes) ܡܫܲܚܠܸܦܠܸܗ: ܘܟܠ ܬܲܗܲܪ
ܕܥܵܒܼܕܲܚ ܐܵܗܵܐ ܕܸܡܵܐ ܙܲܟܵܝܵܐ ܓܵܘ ܘܲܪܝܼܕܲܢ ܚܕܵܪܵܐ ܝܠܸܗ!
ܡܲܦܫܸܡܵܢܬܵܐ ܝܠܵܗܿ ܕܐܵܗܵܐ
ܐܲܝܟܵܢܵܝܘܼܬܵܐ ܐܵܦ ܡܲܥܒܼܘܼܕܸܐ ܝܠܵܗܿ ܕܣܘܼܓܼܐܵܐ (ܒܘܼܫܵܝܘܼܬܵܐ) ܕܒܢܲܝ̈ ܐܘܼܡܬܵܢ ܠܸܐ
ܒܵܥܝܼ ܕܢܵܛܪܝܼ ܠܸܥܝܵܕܲ̈ܢ ܘܲܠܛܲܟܼ̈ܣܲܢ ܘܠܸܐ ܒܵܥܝܼ ܕܗܲܡܙܸܡܝܼ ܒܠܸܫܵܢܲܢ ܘܠܸܐ ܡܲܠܦܝܼ
ܠܗ݇ܘܿܢ ܠܬܘܿܠܕܵܬܵܝ̈.
ܟܠ ܐܘܼܡܬܵܐ ܐܝܼܬ ܠܵܗܿ ܡܲܪܕܘܼܬܵܐ
ܘܣܸܦܪܵܝܘܼܬܵܐ ܛܝܼܡܵܢܬܵܐ ܕܡܵܪܸܐ ܝܘܼܬܪܵܢܵܐ ܝܢܵܐ ܩܵܐ ܟܠܵܝ ܒܲܪܢܵܫܘܼܬܵܐ. ܫܩܵܠܬܵܐ
ܘܫܝܵܦܬܵܐ ܕܚܲܕ݇ ܠܸܫܵܢܵܐ ܘܚܕܵܐ ܡܲܪܕܘܼܬܵܐ ܡܼܢ ܦܵܬܵܐ ܕܐܲܪܥܵܐ ܕܡܵܝܵܐ ܝܠܵܗܿ ܥܲܠ
ܫܩܵܠܬܵܐ ܕܚܲܕ݇ ܡܼܢ ܓܵܘܢܸ̈ܐ ܡܼܢ ܡܸܠـܝـܘܼܢܸ̈ܐ ܓܵܘܢܸ̈ܐ ܕܐܝܼـܬ ܓܵـܘ ܒـܪܝܼــܬܵܐ. ܐܵܦ
ܐܸܢ ܕܒـܪܸܥـܝܵـܢܲܢ ܠܸܫܵܢܲܢܐܘܼܡܬܲܢ
ܐܲܝܟܼ ܡܸܠܚܵܐ ܘܒܘܼܠܵܡܵܐ (ܐܲܕܘܸ̈ܐ؛ Spice) ܝܠܵܗܿ. ܐܵܦܸܢ ܕܚܕܵܐ
ܚܣܝܼܪܘܼܬܵܐ ܝܘܲܚ ܓܵܘ ܥܵܠܡܵܐ ܕܬܸܒܼܸܝܠ؛ ܐܝܼܢܵܐ ܕܠܵܐ ܕܝܼܲܢ ܘܕܠܵܐ ܠܸܫܵܢܲܢ، ܬܸܒܼܸܝܠ
ܒܸܕ ܗܵܘܝܵܐ ܐܲܝܟܼ ܚܕܵܐ ܡܸܐܟܼܘܿܠܬܵܐ ܕܠܵܐ ܒܘܼܠܵܡܵܐ ܘܕܠܵܐ ܡܸܠܚܵܐ، ܗ.ܕ ܕܠܵܐ ܪܸܝܚܵܐ
ܘܕܠܵܐ ܛܲܥܡܵܐ!!
No comments:
Post a Comment