ܐܡܐܐ ܫܢ̈ܐ ܕܣܝܦܐ

ܫܡܝܪܡ ܕ. ܦܘܪܝܐܢ

   ܫܘܼܪܵܝܵܐ ܕܐܲܩܡܵܐ ܕܒܸܝܬ ܢܝܼܣܵܢܸ̈ܐ ܘܫܲܚܠܲܦܬܵܐ ܕܫܸܢ݇ܬܵܐ ܚܕܵܐ ܩܲܘܲܡܬܵܐ ܫܲܦܝܼܪܬܵܐ ܘܡܲܦܨܸܚܵܢܬܵܐ ܝܠܵܗܿ. ܐܝܼܢܵܐ ܒܫܘܼܪܵܝܵܐ ܕܫܸܢ݇ܬܵܐ 6765 ܒܸܬܦܵܩܵܐ ܝܘܲܚ ܒܚܲܕ݇ ܣܝܼܩܘܼܡܵܐ ܟ̰ܸܡ ܐܵܢܲܢܩܵܝܵܐ ܒܝܲܪܚܵܐ ܕܢܝܼܣܵܢ ܕܝܼܠܸܗ ܝܵܘܡܵܐ ܕܣܲܝܦܵܐ. 100 ܫܸܢܸ̈ܐ ܡܼܢ ܩܲܕ݇ܡ ܐܵܕܝܼܵܐ ܗ.ܕ.24 ܒܢܝܼܣܵܢ 1915 ܫܘܼܪܸܐܠܸܗ ܩܛܲܠܥܲܡܵܐ ܕܡܫܝܼܚܵܝܸ̈ܐ ܥܲܡܖ̈ܵܢܸܐ ܒܐܸܡܦܪܵܛܘܼܪܘܼܬܵܐ ܕܥܘܼܬܼܡܵܢܵܝܸ̈ܐ ܘܡܬܸܚܠܸܗ ܠܡܸܬܚܵܐ ܕܫܸܢܸ̈ܐ.10

  ܦܠܵܛܵܐ ܕܩܛܲܠܥܲܡܵܐ ܕܣܲܝܦܵܐ ܝܗ݇ܘܵܐ ܡܵܘܬܵܐ ܕ:750،000 ܓܵܢܵܬܸ̈ܐ ( 1,500.00ܐܵܖܸ̈ܡܢܵܝܸܐ، 750،000 ܐܵܬܘܼܖ̈ܵܝܸܐ ܘ                                      500،000ܝܵܘܢܵܝܸ̈ܐ ܥܲܡ ܚܲܕ݇ ܡܸܢܝܵܢܵܐ ܩܲܠܝܼܠܵܐ ܕܐܸܡܘܵܬܸ̈ܐ ܡܫܝܼܚܵܝܸ̈ܐ ܐ݇ܚܸܖ̈݇ܢܸܐ                                                                                       

    ܐܲܝܟܼ ܕܦܘܼܩܸܕܠܸܗ ܟܘܼܡܪܵܐ ܪܲܒܵܐ: ܩܲܕܝܼܫܘܼܬܸܗ ܦܵܦܵܐ ܦ̰ܪܵܢܣܝܼܣ ܒܗܲܡܙܲܡܬܸܗ، ܩܛܲܠܥܲܡܵܐ ܕܣܲܝܦܵܐ ܕܒܘܼܫ ܙܵܘܕܵܐ ܦܝܼܫܵܐ ܝܠܸܗ ܝܕܝܼܥܝܵܐ ܒܫܸܡܵܐ ܕܩܛܲܠܥܲܡܵܐ ܕܐܵܖܸ̈ܡܢܵܝܸܐ، ܗܿܘ ܩܲܕ݇ܡܵܝܵܐ ܗ݇ܘܵܐ ܒܕܵܪܵܐ ܕܥܸܣܖ̈ܝܼܢ ܘܩܘܼܘܸܡܵܐ ܝܠܸܗ ܡܼܢ ܩܲܕ݇ܡ ܩܛܲܠܥܲܡܵܐ ܕܝܗܘܼܕܵܝܸ̈ܐ ܒܝܲܕ ܚܲܝܠܵܘܵܬܸ̈ܐ ܐܵܠܡܵܢܵܝܸ̈ܐ ܓܵܘ ܦܠܵܫܵܐ ܬܸܒܼܝܼܠܵܝܵܐ ܬܪܝܼܵܢܵܐ. ܦܵܦܵܐ ܦ̰ܪܵܢܣܝܼܣ ܟ̰ܸܡ ܒܫܲܦܝܼܪܘܼܬܵܐ ܡܘܼܢܗܸܪܸܗ ܠܐܵܗܵܐ ܫܪܵܪܵܐ ܕܟܦܵܪܬܵܐ (ܣܪܵܒܼܬܵܐ) ܕܫܘܼܠܛܵܢܵܐ ܕܬܘܼܪܟܝܼܵܐ ܠܸܐ ܡܲܒܣܸܪܵܐ ܡܼܢ ܡܲܪܝܼܪܘܼܬܵܐ ܕܐܵܗܵܐ ܓܘܼܢܚܵܐ

   ܒܡܸܬܚܵܐ ܕ10 ܫܸܢܸ̈ܐ 1925 ـ 1915) ܚܲܝܠܵܘܵܬܸ̈ܐ ܕܬܘܼܖ̈ܟܵܝܸܐ ܒܗܲܝܲܪܬܵܐ ܕܩܘܼܖ̈ܕܵܝܸܐ ܣܦܸܚܠܗ݇ܘܿܢ ܥܲܠ ܟܠܲܝܗܝ ܡܵܬܘܵܬܸ̈ܐ ܕܐܵܬܘܿܖ̈ܵܝܸܐ ܒܡܲܕܢܲܚ ـ ܬܲܝܡܢܵܐ ܕܬܘܼܪܟܝܼܵܐ ܗܲܠ ܐܘܼܪܡܝܼ ܘܣܲܠܵܡܵܣ. ܡܵܬܘܵܬܸ̈ܐ ܦܝܼܫܠܗ݇ܘܿܢ ܣܠܝܼܒܸ̈ܐ ܘܥܘܼܡܖ̈ܵܢܸܐ ܡܘܼܩܕܸ̈ܐ. ܚܲܕ݇ ܡܸܢܝܵܢܵܐ ܓܘܼܪܵܐ ܕܐܘܼܖ̈ܙܸܐ ܩܛܝܼܠܲܝ ܠܗ݇ܘܿܢ ܘܪܵܒܵܐ ܡܼܢ ܢܸܩܒܼܸ̈ܐ ܘܫܲܒܼܖܸ̈ܐ ܠܘܼܒܠܲܝܗܝ ܠܗ݇ܘܿܢ ܒܐܲܣܝܼܪܘܼܬܵܐ. ܡܸܢܝܵܢܵܐ ܕܥܲܡܖ̈ܵܢܸܐ ܒܐܲܢܸܐ ܐܘܼܚܕܵܢܸ̈ܐ ܒܨܸܪܸܗ ܗܲܠ 3܇1 ܕܩܘܼܛܢܵܐ. ܩܵܐ ܛܘܼܦ̰ܣܵܐ ܒܥܕܵܢܵܐ ܕܦܠܵܫܵܐ ܩܲܕ݇ܡܵܝܵܐ ܡܸܢܝܵܢܵܐ ܕܗܲܕܵܡܸ̈ܐ ܕܥܸܕܬܵܐ ܕܡܲܕܢܚܵܐ ܒܐܝܼܪܵܢ300،000          ܗ݇ܘܵܐ ܟܲܕ ܒܵܬ݇ܪ ܦܪܵܩܬܵܐ ܕܦܠܵܫܵܐ ܘܕܝܵܪܬܵܐ ܕܐܵܬܘܼܖ̈ܵܝܸܐ ܡܛܸܐ ܠܸܗ ܠܩܘܼܪܒܵܐ100،000 ܓܵܢܵܬܸ̈ܐ 

   ܕܘܼܟܼܪܵܢܵܐ ܕ100 ܫܸܢܸ̈ܐ ܕܩܛܲܠܥܲܡܵܐ ܕܣܲܝܦܵܐ ܦܝܼܫܠܸܗ ܡܝܘܼܒܸܒܼܵܐ ܒܝܲܕ ܟܠܲܝܗܝ ܟܢܘܼܫܝܸ̈ܐ ܕܐܵܬܘܼܖ̈ܵܝܸܐ ܒܒܪܝܼܬܵܐ. ܐܵܦܸܢ ܕܚܲܕ݇ ܡܸܬܚܵܐ ܝܲܪܝܼܟܼܵܐ (ܗܲܠ 20 ܫܸܢܸ̈ܐ ܩܲܕ݇ܡ ܐܵܕܝܼܵܐ) ܘܒܥܸܠܵܠܸ̈ܐ ܦܖ̈ܝܼܫܸܐ، ܐܵܗܵܐ ܝܵܘܡܵܐ ܦܝܼܫܵܐ ܗ݇ܘܵܐ ܢܸܫܝܵܐ ܒܐܘܼܡܬܲܢ ܐܝܼܢܵܐ ܐܸܕܝܘܿܡ ܟܠܲܝܗܝ ܐܵܬܘܼܖ̈ܵܝܸܐ ܖ̈ܥܝܼܫܸܐ ܝܢܵܐ ܠܐܵܢܲܢܩܵܝܘܼܬܘܼܗܝ ܘܠܐܵܢܲܢܩܵܝܘܼܬܵܐ ܕܝܘܼܒܵܒܼܵܐ ܘܡܲܕܟܼܪܵܢܘܼܬܵܐ ܕܕܸܡܵܐ ܙܲܟܵܝܵܐ ܕ750000 ܡܼܢ ܒܢܲܝ̈ ܐܘܼܡܬܲܢ؛ ܐܵܢܝܼ ܕܠܵܐ ܟ̰ܘܼ ܓܢܵܗܵܐ ܓܒܼܸܠܗ݇ܘܿܢ ܓܵܘ ܕܸܡܵܐ ܙܲܟܵܝܵܐ ܕܓܵܢܲܝܗܝ  

   ܝܘܼܒܵܒܼܵܐ ܕܩܛܲܠܥܲܡܵܐ ܕܣܲܝܦܵܐ ܚܲܕ݇ ܡܸܨܥܵܝܵܐ ܝܠܸܗ ܩܵܐ ܡܲܕܟܼܪܵܢܘܼܬܵܐ ܕܓܘܼܢܚܸ̈ܐ ܡܲܪܝܼܖܸ̈ܐ ܕܩܘܼܒܸܠܬܲܝܗܝ ܠܵܗܿ ܐܘܼܡܬܲܢ ܗܲܠ ܐܸܕܝܘܿܡ، ܩܵܐ ܡܲܕܟܼܲܪܬܵܐ ܕܬܲܫܥܝܼܬܲܢ ܡܕܘܼܡܸܪܬܵܐ ܘܩܵܐ ܡܲܕܟܼܲܪܬܵܐ ܠܗܝܼܵܝܘܼܬܲܢ ܐܵܬܘܼܪܵܝܬܵܐ ܘܠܙܸܕܩܲܢ ܓܠܝܼܙܸ̈ܐ (ܟ̰ܠܝܼܓ̰ܸ̈ܐ) ܠܟܸܣ ܥܲܡܖ̈ܵܢܸܐ ܕܒܪܝܼܬܵܐ ܘܠܟܸܣ ܟܠܲܝܗܝ ܫܘܼܬܐܵܣܸ̈ܐ ܕܡܸܫܬܲܐܠܵܢܸ̈ܐ ܝܢܵܐ ܒܪܲܗܛܵܐ ܕܙܸܕܩܸ̈ܐ ܐ݇ܢܵܫܵܝܸ̈ܐ ܒܬܸܒܼܸܝܠ                         

   ܐܸܕܝܘܿܡ ܟܲܕ ܒܢܲܝ̈ ܐܘܼܡܬܲܢ ܡܸܢ݇ܕܪܸܫ݇ ܒܸܬܦܵܩܵܐ ܝܢܵܐ ܒܩܸܛܠܸ̈ܐ ܘܖ̈ܕܘܼܦܝܸ̈ܐ ܚܲܕ݇ܬܸ̈ܐ، ܒܸܪܥܵܫܵܐ ܝܘܲܚ ܕܐܘܼܡܬܲܢ ܣܢܝܼܩܬܵܐ ܝܠܵܗܿ ܥܲܠ ܚܲܕ݇ ܚܘܼܦܵܛܵܐ ܓܘܼܪܵܐ ܘܚܲܝܠܵܢܵܐ ܩܵܐ ܣܘܼܬܵܪܵܐ ܘܢܛܵܪܬܵܐ ܘܗܲܝܲܪܬܵܐ ܕܗܲܕܵܡܘܼ̈ܗܿ ܘܟܠ ܚܲܕ݇ ܡܸܢܲܢ ܐܝܼܬ ܠܲܢ ܘܵܠܝܼܬܵܐ ܩܵܐ ܡܸܫܬܲܪܟܵܢܘܼܬܵܐ ܒܐܵܗܵܐ ܚܘܼܦܵܛܵܐ