ܐܓܪܬܐ ܕܒܘܝܐܐ

ܠܐܝܼܩܵܪܵܐ ܕܡܵܪܝ ܢܲܪܣܲܝ ܒܸܢܝܵܡܝܼܢ ܐܵܦܸܣܩܘܿܦܵܐ ܕܥܸܕܬܵܐ ܕܡܲܕܢܚܵܐ ܒܐܝܼܪܵܢ  

ܡܵܘܕܘܼܝܸܐ ܝܘܲܚ ܠܗܿܘ ܕܝܼܠܸܗ ܓܲܒܼܠܵܢܲܢ ܕܛܲܝܒܘܼܬܵܐ ܘܡܲܡܝܸܬܵܢܲܢ ܒܟܸܐܢܘܼܬܵܐ. ܗܿܘ ܕܒܣܸܡܠܵܠܸܗ ܕܛܵܠܸܒܠܸܗ ܘܦܵܪܸܫܠܸܗ ܡܸܢܲܢ ܪܵܥܝܲܢ ܟܸܐܢܵܐ ܩܲܕܝܼܫܘܼܬܸܗ ܡܵܪܝ ܕܸܢܚܵܐ ܪܒܼܝܼܥܵܝܵܐ ܕܝܼܗ݇ܘܵܐ ܚܲܕ݇ ܒܲܪܢܵܫܵܐ ܓܲܢ݇ܒܵܪܵܐ، ܚܲܕ݇ ܡܗܲܕܝܵܢܵܐ ܪܲܒܵܐ ܘܚܲܕ݇ ܟܘܼܡܪܵܐ ܥܸܠܵܝܵܐ، ܐܵܦܸܢ ܕܠܸܐ ܗ݇ܘܵܐ ܥܕܵܢܸܗ ܘܓܵܘ ܙܲܒܼܢܵܐ ܕܓܲܢ݇ܒܵܪܘܼܬܸܗ ܗ݇ܘܵܐ. ܥܲܠ ܗܵܕܵܐ ܒܬܲܥܙܝܼ ܝܬܝܼܒܼܬܵܐ ܝܠܵܗܿ ܐܘܼܡܬܲܢ ܐܵܬܘܼܪܵܝܬܵܐ ܕܠܵܐ ܦܘܼܪܫܘܼܢܝܵܐ ܕܪܸܢܝܵܐ ܘܗܲܝܡܵܢܘܼܬܵܐ

ܡܲܩܪܘܼܒܼܸܐ ܝܘܲܚ ܠܒܘܼܝܵܐܐܲܢ ܠܩܘܼܕܡܵܘܟܼܘܿܢ ܘܠܩܘܼܕܡܵܐ ܕܟܠܲܝܗܝ ܥܲܠܠܵܢܸ̈ܐ، ܟܵܗܢܸ̈ܐ ܘܡܫܲܡܫܵܢܸ̈ܐ ܕܥܸܕܬܵܐ ܠܦܘܼܬ ܐܵܗܵܐ ܓܘܼܢܚܵܐ؛ ܘܒܲܣܘܼܡܸܐ ܝܘܲܚ ܠܪܸܫܵܐ ܕܗܲܕܵܡܸ̈ܐ ܕܥܸܕܬܵܐ ܐܵܦ ܠܪܸܫܵܐ ܕܟܠܲܝܗܝ ܐܵܬܘܼܖ̈ܵܝܸܐ ܒܬܸܒܼܹܝܠ 

ܒܸܛܠܵܒܵܐ ܝܘܲܚ ܫܘܼܘܫܵܛܵܐ ܘܡܲܢܬܵܝܬܵܐ ܩܵܐ ܥܸܕܬܵܐ ܩܲܕܝܼܫܬܵܐ ܕܡܲܕܢܚܵܐ ܕܐܵܬܘܼܖ̈ܵܝܸܐ ܡܼܢ ܡܵܪܝܵܐ ܡܪܲܚܡܵܢܵܐ ܬ݇ܚܘܿܬ ܡܗܲܕܝܵܢܘܼܬܵܐ ܕܟܠ ܡܿܢ ܕܒܸܕ ܦܵܐܸܫ ܓܘܼܒܝܵܐ ܩܵܐ ܫܩܵܠܬܵܐ ܕܟܘܼܪܣܝܵܐ ܩܲܕܝܼܫܵܐ ܕܦܵܛܸܪܝܵܪܟܘܼܬܵܐ ܘܨܲܠܘܼܝܸܐ ܝܘܲܚ ܡܼܢ ܟܠܸܗ ܠܸܒܲܢ ܕܡܲܢܝܸܚ ܡܲܠܟܵܐ ܡܫܝܼܚܵܐ ܠܪܘܼܚܵܐ ܕܥܲܒܼܕܸܗ ܒܲܫܠܵܡܵܐ، ܐܲܝܟܵܐ ܕܠܸܐ ܗܲܟܸܡ ܠܵܐ ܚܲܫܵܐ ܘܠܵܐ ܬܘܵܬܵܐ ܐܸܠܵܐ ܚܲܝܸ̈ܐ ܕܠܐܲܒܲܕ

                                        11܇04܇2015

                             ܫܘܬܦܘܬܐ ܕܢܫ̈ܐ ܐܬܘܖ̈ܝܐ ܕܫܡܝܪܡ